No pasado mes de xaneiro o embalse da Fervenza rondaba o 24% da súa ocupación Os efímeros orballos destes días non foron suficientes para frear a perda de auga que están sufrindo os encoros galegos. Concretamente o da Fervenza - situado entre os municipios de Mazaricos, Vimianzo, Dumbría e Zas - ronda o 62% da súa capacidade. Pasou de albergar 70,65 hectómetros cúbicos o mes pasado aos 63,11 desta semana. Así se desprenden dos datos facilitados por Augas de Galicia. A situación era ben diferente no mismo periodo do ano pasado. Así, a 11 de xullo de 2016 o embalse da Fervenza estaba ao 90% da súa ocupación cun total de 89,03 hectómetros cúbicos de auga encorados. Sequía de xaneiro As cifras distan moito da sequía do pasado mes de xaneiro, momento no que o encoro da Fervenza estaba case ao 24% da súa ocupación cun total de 23,30 hectómetros de cúbicos de auga. Os pobos afogados pola dictadura de Franco (Os Vaos, Castrelón, O Ribeiro de Arriba, O Ribeiro de Abaixo, As Abeleiras, O Pego ...) recobraron vida durante o mes de xaneiro coas visitas dos veciños e veciñas da contorna que acudían na procura das aldeas agochadas. Mais o tempo e o saqueo, arrastrouno todo. Novas relacionadas

• 04-03-17: O Modesto Patrimonio: O 50 aniversario do Encoro da Fervenza
• 24-01-17: Sen rastro das casas sumerxidas polo embalse da Fervenza
• 11-12-15: A escaseza de choivas pon en alerta vermella o caudal do encoro da Fervenza
• Recunchos da Costa: O Encoro de Ponte Olveira

Fonte

• Redacción QPC (info@quepasanacosta.gal)
• Augas de Galicia