O pasado venres, a Garda Civil confirmaba que o cráneo atopado nunha pista forestal o pasado mes de outubro era o dun home desaparecido en Mazaricos en decembro do ano pasado. Coa investigación aínda aberta, a GC achaba este mércores, no mesmo monte entre Mazaricos e Outes, outros restos óseos e pezas de roupa en bolsas que non pertencerían a esta mesma persoa, aínda que cómpre esperar ás probas de ADN.

A investigación continúa, e fontes cercanas ao caso seguen vinculando os dous casos ao 'Pandolo', un veciño de Mazaricos con antecedentes e que gozaba dun permiso penal cando desaparecía Antonio Tuñas.