Venres. 29.03.2024
El tiempo

Adisbismur estrea invernadoiros, unha nova oportunidade de inclusión sociolaboral para as persoas usuarias do centro de Valadares

Novo invernadoiro de ADISBISMUR
Adisbismur estrea invernadoiros, unha nova oportunidade de inclusión sociolaboral para as persoas usuarias do centro de Valadares

Espectaculares os novos invernadoiros que estrea a Asociación de Persoas con Discapacidade da Bisbarra de Muros (ADISBISMUR) no centro de recursos que a entidade ten en Valadares, no concello de Outes.

Esta nova estrutura será destinada para o cultivo ecolóxico de hortalizas variadas que serán comercializadas no mercado de proximidade. Todo no marco dun proxecto formativo en agricultura ecolóxica, financiado por Fundación ONCE e a Consellería de Política Social, no que participaron 15 persoas con discapacidade. Ao remate desta formación, dúas persoas lograron xa o seu primeiro emprego.

A idea é formar en agricultura sostible pero tamén ofrecer formación laboral básica orientada á inserción laboral das persoas do centro de Valadares. Dende a entidade apuntan que "non é doada a inserción laboral de persoas con discapacidade física e/ou intelectual que viven en zona rural, onde as oportunidades son máis limitadas".  Por iso,
este novo invernadoiro únese aos outros catro que a entidade empezou a construír hai máis de dez anos, cando bota a andar a actividade de viveirismo.

Toca agora a primeira plantación, que será con plantas leguminosas como chícharos e tirabeques ademais de tomate, para ir analizando o comportamento e fertilidade da terra, que non foi tratada anteriormente.


 

Comentarios