Mércores. 18.05.2022
El tiempo

#8M: As usuarias de Adisbismur entrevistan a mulleres profesionais da contorna

Unha das mulleres participantes programa ADISBISMUR é agasallada con produtos do centro de Valadares
Unha das mulleres participantes programa ADISBISMUR é agasallada con produtos do centro de Valadares
#8M: As usuarias de Adisbismur entrevistan a mulleres profesionais da contorna

Non quixo a Asociación de Persoas con Discapacidade da Bisbarra de Muros (ADISBISMUR) deixar de celebrar o #8M. A entidade membro de COGAMI ten organizadas para este mes diferentes actividades que van dende entrevistas a mulleres ata o convite á veciñanza para que dea dar pasos pola igualdade.

Unha das actividades chámase “A través dos teus ollos”. As persoas usuarias do centro ocupacional que ten Adisbismur en Valadares farán entrevistas a mulleres dos concellos de Carnota, Muros, Outes e Mazaricos que se dedican ou que se dedicaron a profesións tan diversas como a gandería, industria conserveira, amas de casa, marisqueo… A finalidade é poñer en valor ás mulleres da comarca, dándolle o recoñecemento necesario pola súa contribución aos dereitos das mulleres na sociedade actual.

Muller participante nos vídeos de ADISBISMUR
Muller participante nos vídeos de ADISBISMUR

Outra das actividades consistirá na elaboración dun obradoiro sobre a conmemoración da data do 8M e a través do que se pretenderá poñer en valor ás mulleres que deixan a súa pegada na historia tanto a nivel mundial como na particular galega.

Outra das actividades programadas é a organización dunha andaina virtual. Baixo o lema de Pasos pola Igualdade, Adisbismur pretende que todas as persoas que saian de andaina, saquen unha foto e a suban ás súas redes sociais coa etiqueta #pasospolaigualdade.

Artigos sobre o 8M

comentarios