A Consellería elimina, tralas queixas do sector, só a parte superficial das polémicas gaiolas de salmón da ría de Muros

Facíamos públicas o pasado mes de decembro as queixas dos mariñeiros da ría de Muros polo perigo que supuñan as abandonadas gaiolas de salmón. E non tardou, agora, a Consellería do Mar en tomar cartas no asunto, a pesar de levar 8 anos sen uso, e esta semana procedeu á eliminación da parte superficial das gaiolas.

As gaiolas levan sendo un grave perigo para as embarcacións, e de feito, levan moitos anos denunciando o desprendemento de partes da estrutura, e mesmo xa houbo algún cerqueiro de Portosín que quedou enganchado. A realidade é que durante esta semana eliminaron a parte superficial, pero dende a Consellería non poden asegurar que van quitar as fixacións xa que as concesións, a pesar das denuncias do BNG, seguen vixentes aínda que a empresa estea en creba.

En calquera caso, dende o pósito consideran que terían que balizar a zona, porque é, a efectos reais, un polígono, mentres non se anulan as concesións.

Histórico das Xaulas de Salmón

• Decembro 21: Piden a retirada das gaiolas de salmón de Muros.
• Novembro 21: As Gaiolas de Salmón de Muros: Historia do abandono.
• 2016: O BNG denuncia a caducidade da concesión das gaiolas de salmón na ría de Muros e Noia.
• 2016: Asoar-Armega esixe que a Xunta retire as gaiolas de salmón da ría de Muros.
• 2013: Denuncian o abandono das gaiolas de salmón tralo desprendimento dunha gran boia.
• 2013: Denuncian que as gaiolas de salmón puideron traer un molusco invasor.
• 2012: Denuncian que as gaiolas de salmón de Muros non están a ser produtivas.
• 2012: A Fiscalía confirma as denuncias pola morte dos salmóns nas gaiolas de Muros.
• 2011: O mar de Muros rexeita frontalmente as xaulas de salmón.
• 25-03-11: Aproveitan a noite para instalar as xaulas de salmón na ría de Muros.
• 17-03-11: Muros mobilízase por terra e por mar contra as gaiolas de salmóns que crean división en Carnota.