Martes. 17.05.2022
El tiempo

A Consellería elimina, tralas queixas do sector, só a parte superficial das polémicas gaiolas de salmón da ría de Muros

Desmantelando as gaiolas de salmon de Muros 2
Desmantelando as gaiolas de salmón de Muros
A Consellería elimina, tralas queixas do sector, só a parte superficial das polémicas gaiolas de salmón da ría de Muros

Facíamos públicas o pasado mes de decembro as queixas dos mariñeiros da ría de Muros polo perigo que supuñan as abandonadas gaiolas de salmón. E non tardou, agora, a Consellería do Mar en tomar cartas no asunto, a pesar de levar 8 anos sen uso, e esta semana procedeu á eliminación da parte superficial das gaiolas.

As gaiolas levan sendo un grave perigo para as embarcacións, e de feito, levan moitos anos denunciando o desprendemento de partes da estrutura, e mesmo xa houbo algún cerqueiro de Portosín que quedou enganchado. A realidade é que durante esta semana eliminaron a parte superficial, pero dende a Consellería non poden asegurar que van quitar as fixacións xa que as concesións, a pesar das denuncias do BNG, seguen vixentes aínda que a empresa estea en creba.

En calquera caso, dende o pósito consideran que terían que balizar a zona, porque é, a efectos reais, un polígono, mentres non se anulan as concesións.

Desmantelando as gaiolas de salmon de Muros
Proceso de desmantelamento das gaiolas

Xaulas de Salmon abandonadas na ria de Muros
Así estiveron durante 8 anos as gaiolas de salmón diante do Monte Louro

Xaulas de salmon desfeitas no porto de Muros
Así están a día de hoxe aparcadas no peirao

Histórico das Xaulas de Salmón

comentarios