Sábado. 04.12.2021
El tiempo

As Gaiolas de Salmón de Muros: Historia do abandono

Xaulas de Salmon de Muros abandonadas
As gaiolas de salmón da ría de Muros completamente abandonadas
As Gaiolas de Salmón de Muros: Historia do abandono

Chegaban aló por 2011, nocturnidade e alevosía para sacar de pobres a un sector do mar da ría de Muros e Noia que xa amosara o seu rotundo rexeitamento. Non lle fixo caso a Xunta ás críticas da pesca artesanal, e permitiu erguer media de xaulas de salmón en plena ría de Muros e Noia. Pero a cousa caeu polo seu propio peso.

Tralas mobilizacións iniciais, chegaron as denuncias (moito pelexou a agora descabezada Asoar Armega), as mortes, as especies invasoras, e os problemas económicos… ata o abandono.

En poucos anos a produción caeu, e a empresa foi á quebra, provocando o abandono total das xaulas dende hai máis de 5 anos.

Os colectivos do mar levan pedindo dende 2016 a eliminación completa das estruturas das xaulas, pero se atopan co continuo rexeitamento da Xunta e Capitanía Marítima, que consideran que non se pode facer nada ata que se resolva o concurso de acreedores da empresa promotora.

Xaulas de Salmon abandonadas na ria de Muros

Perigo

A día de hoxe, ademais de ser perxudicial para a fauna e a biodiversidade, é un perigo para os barcos. Nas inmediacións do polígono os barcos están tendo problemas polo desprendemento dos cabos de suxección das xaulas.

O último suceso acontecía en 2019, cando un mergullador tiña que ser rescatado tras sufrir un accidente cando limpaba as xaulas.

Xaulas salmon diante do Monte Louro

Histórico das Xaulas de Salmón

comentarios