Parecía claro, pero María Xosé Alfonso foi elixida candidata a alcaldía de Muros por Compromiso Por Galicia. Un grupo que leva dende o 2012 en primeira liña política local, con 3 concelleiros, de feito, na corporación, pero que se presentará ás Eleccións Municipais de maio 2015 por primeira vez na historia da comarca baixo o paraugas do CxG.

Alfonso foi escollida mediante primarias abertas á cidadanía, onde os cidadáns non só puideron participar, senon que tamén podían presentar a súa propia candidatura.

María Sambade, actual Secretaria Local de Compromiso Por Galicia foi a encargada de presentar a María Xosé Alfonso e dar conta dos resultados da votación. Asegurou que “Compromiso esta dando unha lección de democracia participativa e real” , insitiu en que “ é preciso que canalicemos o descontento da cidadanía e o transformemos en propostas reais que se poidan levar a cabo”.

Alfonso foi elixida pola unanimidade dos presentes o pasado sábado en Muros, no acto tamén estivo presente o Secretario Xeral de Compromiso Por Galicia, Xoán Bascuas indicou que “María Xosé é a mellor candidata non só de Compromiso, senón a mellor candidata pois foi elixida por todas aquelas persoas que desexaron participar nestas primarias” María Xosé Alfonso é a portavoz do Grupo Municipal de Compromiso en Muros que conta con tres concelleiros na corporación muradana.

Mestra de profesión, Alfonso é membro da Executiva Nacional de Compromiso Por Galicia e formou parte do goberno muradán da man do finado Domingos Dosil Alfonso.

Na súa intervención durante proclamación como candidata a alcaldía de Muros María Xosé indicou “estar agradecida pola participación da cidadanía na súa elección e que agarda seguir contando con esa participación para completar a candidatura e o programa co que Compromiso concurrirá ás municipais do vindeiro ano“.

Novas relacionadas

• CxG aposta pola creación dun viveiro comercial na praza de abastos de Muros.
• 19-09-12: Primeira comisión local de Compromiso X Galicia en Muros.

Novas políticas

• A política abre as portas á cidadanía, tamén na Costa da Morte.
• Estudio de Carlos Neira para AMEGA: Podemos, camiño da Moncloa.

Novas electorais

• O baiés José David Gómez Brandariz, novo candidato do PP de Zas.
• Manuel Antelo repetirá como candidato a repetir na alcaldía de Vimianzo.
• Xan García deixa a Neria pero ameaza coas Eleccións Municipais.
• Paco Souto será o candidato do BNG á alcaldía de Malpica.
• Moncho Noceda volve a presentarse como candidato á alcadía de Carnota.
• Evencio Ferrero volverá presentarse como candidato á alcaldía.
• O PP presenta 12 candidatos costeiros para xogar ao ataque nas municipais.
• Os PP de Carballo, Camariñas, Dumbría e Muxía estrean candidato.

Fonte

• Redacción de QPC ([email protected]).