Mércores. 18.05.2022
El tiempo

Os MaríaCasares convertíronse nun furancho por Pico

Os MaríaCasares convertíronse nun furancho por Pico
Ganadores dos Premios Maria Casares 2014-Foto-Olalla Lojo-AAAG

Era pouca a presencia costeira entre os candidatos aos Premios María Casares 2014, os premios do Teatro Galego. E de feito, non caeu ningún premio. Pero si unha grandísima homenaxe a un dos persoeiros máis queridos da escena galega nos últimos anos. Os #MaríaCasares14 convertíronse nunha homenaxe a Pico. O actor esteirán Xosé Manuel Olveira falecía o pasado ano e a Asociación de Actores e Actrices de Galicia quixeron recordalo nesta gala.

O Teatro Rosalía Castro da Coruña convertiuse nun furancho ideado pola compañía Ibuprofeno. Marián Bañobre e Isabel Risco presentaron a gala, dirixida por Santiago Cortegoso, para realizar aa entrega de premios entre as 11 producións nominadas.

Foi sen dúbida o momento máis emotivo da Gala a entrega do Premio de Honra Marisa Soto para homenaxear a Xosé Manuel Olveira “Pico”. A ovación, con todo o público en pé, amosou unha vez máis que Pico era un dos actores máis queridos, tanto polo público como polos compañeiros de profesión. A Xunta Directiva da AAAG subiu ao escenario para entregarlle o galardón ao fillo do intérprete, Pablo Olveira.

A directiva da AAAG entrega o Premio Marisa Soto de Honra ao fillo de Pico Pablo Olveira-Foto-Olalla Lojo-AAAG

Día mundial do Teatro

Pola súa banda, o xornalista Camilo Franco leu o Manifesto Galego do Día Mundial do Teatro. No seu texto, destacou que o teatro “é unha arma de organización masiva” contra os problemas do mundo. Ademais, o tamén crítico teatral subliñou que a escena é “un espello para decatarnos de que somos moi malos: querémonos mal e matámonos moi ben". Dadas as circunstancias da actualidade, asegura,"o teatro debe poñer o mundo a andar”.

Os premios

Eurozone recollendo un dos seus Premios MariaCasares14-Foto-Olalla Lojo-AAAG

Ao longo da noite déronse a coñecer os gañadores dos Premios María Casares de Teatro deste ano. Os espectáculos máis premiados foron:

  • Eurozone (4 premios):
    - Mellor Iluminación, (Fidel Vázquez).
    - Escenografía, (Chévere—Javier Domingo Ballestín).
    - Actriz secundaria (Patricia Lorenzo).
    Espectáculo (Eurozone).
  • As do Peixe (3 premios):
    - Mellor texto orixinal (Cándido Pazó).
    - Mellor actriz protagonista (Susana Dans).
    - Mellor dirección. (Cristina Domínguez).
  • Bye, Bye Honey (2 premios):
    - Música orixinal (Carlos Mosquera ‘Mos’).
    . Actor secundario (César Goldi).
  • A Charca Inútil:
    - Mellor adaptación-tradución (Xosé Manuel Pazos Varela).
  • Walt:
    - Mellor vestiario (Uxía P. Vaello).
  • C’EST LA VIE:
    - Mellor Maquillaxe (Trini Silva).
  • As mil vidas de Matias Houseman:
    - Mellor actor protagonista (Josito Porto).

Máis información

Novas relacionadas

Fonte

comentarios