Xa está na rede o Galician Bizarre II, un proxecto feito entre diferentes bandas galegas que busca financiamento por medio de crowdfunding ou micropatrocinio, como fixeran os Cempés e a campaña Vitaminas para o galego.

A segunda entrega galega bizarra contará con 18 cancións inéditas compostas e interpretadas por 18 grupos galegos. E unha desas bandas, que ademais tamén estarán no Festival pola lingua de Vitaminas o vindeiro 27 de abril, son os muradáns Terbutalina. Tamén forman parte do disco QVEK, unha aposta de Carlos Abeijón que chega dende Louro pasando por Londres.

Micromecenas

E só será posible adquirir o disco e participar no proxecto ata o 14 de maio, facendo realidade o financiamento coletivo deste compilatorio musical galego ideado polos propios artistas a través de microaxudas na Plataforma Verkami.

Así, a través de verkami poderaste facer cun das 525 copias en vinilo de 12” que se están a editar.

Que bandas participarán nesta edición?

A segunda entrega do compilatorio Galician Bizarre e unha das súas características diferenciais con respecto á primeira é que non recunca ningunha das bandas que participaron no primeiro disco de 2010. Os grupos participantes no Galician Bizarre II cunha canción inédita cada un serán: Alarido Mongólico (A Coruña / Ferrol), Carrero Bianco (Ferrol), Christ Divides (Vigo), Fantasmage (Vigo), Fluzo (Compostela), Lobishome (Montalvo), Los Televisores (Poio / Chantada), Los Thyssen (O Grobe), Mano De Obra (A Coruña), Mullet (Lugo), Pastillas Mamut (Lugo), QVEK (Louro / Londres), Sr. Anido (Milladoiro), Terbutalina (Ventín / Esteiro / Muíño do Vento), Tetra & Freek (Compostela), Tora Tora Tora! (Pontevedra), Trajano! (Dodro / Madrid) e Wild Balbina (Vigo).

Máis información

• www.galicianbizarre.biz.
• www.facebook.com/galicianbizarre.
• twitter.com/#!/galicianbizarre.
• Verkami: Galician Bizarre II.

Novas relacionadas

• Un Festival Expresso en Muros.
• Terbutalina saca un novo disco Broncodilatador.
• Case 200 recompensas aos que vitaminaron o galego e un festival pola lingua.
• Moito máis que música no Sereas e Piratas de Razo.
• A Praia de Valarés prepárase xa para un festival con V.
• Malpica “josará” cos Heredeiros da Crus no Nordestazo Rock 2012.
• A bitácora da semana (CXXVI): O blog da Sala Nasmo de Muros.
• Escolma de bandas costeiras – A Axenda Sonora da Costa da Morte segue crecendo.

Fonte

• Redacción de QPC ([email protected]).