Avelino González abre o programa cultural do outono muxián
16:13 09/10/20
Arrinca este sábado o programa ‘Muxía, cultura outonal’ , e faino coa chegada ao Salón de Voluntariado de Avelino González, que executará o seu espectáculo “Contos que foron chistes”. A cita, ás 20:00h, a entrada a 1 simbólico euro, e a billeteira abrirá media hora antes do comezo da sesión, se ben cómpre reservar asento nas actividades culturais no 981 74 20 01,.
O prato forte do programa está previsto para o vindeiro 14 de novembro, na que as muxianas e muxiáns poderán gozar de ‘Bohemian Rhapsody’ nin máis nin menos que nun autocine no Porto.
