As obras teñen un prazo de execución de cinco meses A Deputación da Coruña comezou as obras de construción de dúas novas sendas peonís nas estradas provinciais DP 5604 de Outes a Pereira por Pesadoira e DP 5201 de Muxía a Toruiñán pola costa ao seu paso polos concellos de Muxía e Santa Comba, uns tramos que coinciden co Camiño de Santiago e que carecen na actualidade de andéns peonís, o que obriga aos peregrinos a transitar pola plataforma da estrada, co consecuente risco de accidentes. As obras, adxudicadas á empresa excavaciones Roberto SL por 207.088,23 euros, teñen un prazo de execución de cinco meses e que suporán unha importante mellora das condicións de seguridade destes tramos do Camiño tanto para os numerosos peregrinos que cada día transitan por esta xacobea como para os veciños da zona. Características das sendas A estrada DP 5604 contará cunha senda de dous metros de ancho pola marxe esquerda, entre os PK 15.870 e o 16.220, pavimentada con zahorra artificial mistura bituminosa en quente. Baixo a senda instalarase un sistema de drenaxe de pluviais con rede de tubaxe de PVC reforzada con formigón e sumidoiros cada 25 metros. Como separación da senda peonil e o carril bici contiguo á estrada, pintaranse novas marcas viais, con resaltos no tramo máis próximo á estrada e dispositivos de captación de faros tipo “ollo de gato”. Na DP 5201, o proxecto contempla a construción, tamén pola marxe esquerda, dunha senda de dous metros de ancho que discorrerá entre os PK 1.130 e 1.780 coas mesmas características que a anterior. Estas obras enmárcanse no proxecto para construir diversas sendas peonís en estradas provinciais que forman parte do tramo Fisterra-Muxía do Camiño de Santiago, segundo afirmou o deputado responsable da área de Vías e Obras da institución provincial e alcalde dumbriés - José Manuel Pequeño - que destacou que estas accións “contribuirán a facer máis cómodo e seguro o cada vez máis transitado Camiño da Costa”, que foi unha das principais apostas da institución provincial durante a recentemente celebrada feira Internacional de Turismo de Madrid - Fitur -. Novas relacionadas

• Unha senda peonil conecta un tramo do Camiño de Santiago ao seu paso por Muxía e Santa Comba
• Aprobada a ampliación da senda peonil en Baio Pequeno
• A Deputación licita por 188.954,62 euros as obras dunha senda peonil na estrada de Coristanco a Santa Comba
• Licitadas as obras da senda peonil entre Xornes, Buño e Canta la Rana e do polígono de Bértoa
• A Deputación inviste máis de 200.000 na construción de novas sendas peonís en Vimianzo e Malpica
• As obras da senda peonil entre Xornes, Buño e Canta La Rana arrincarán este ano.

Fonte

• Redacción QPC ([email protected])
• Deputación da Coruña