Mércores. 11.12.2019
El tiempo

A Comunidade escolar e a veciñanza uníronse en Muxía contra as violencias

Concentracion polo 25N en Muxia
Concentracion polo 25N en Muxia
A Comunidade escolar e a veciñanza uníronse en Muxía contra as violencias

Levar á loita feminista contra ás violencias ás escolas perfílase como un dos únicos camiños vables para acabar con esta enfermidade social. E por Muxía tivérono claro, centrando as actuacións arredor do centros educativos. O CPI Virxe da Barca e IES Ramón Caamaño xunto cos veciños e veciñas, acompañaron aos reponsables do Concello de Muxía e CIM Muxía na concentración celebrada a pasada mañá de luns 25 de novembro. Foi un acto moi emotivo, ver como veciños e estamentos públicos de Muxía facían causa común.

Unha cita para “alzar a nosa voz clara e rotunda contra a Violencia de Xénero, e para esixir medidas eficaces contra este cancro que só se pode combater desde a unión, a educación e unha sociedade na que prime o amor, o respeto a tolerancia e por riba de todo a IGUALDADE entre homes e mulleres”, como explica David Creus Andrade, director do IES Ramón Caamaño de Muxía.

Falou unhas verbas o alcalde Iago Toba para logo darlle paso a Concelleira de Igualdade Olalla Benlloch que leu un manifesto elaborado polas mulleres que conforman o CIM.

Por parte da comunidade escolar Johana Haz, Sara Haz, Marta Caamaño, Silvia Toba de 1º da ESO e Carla Martínez e Lucía Pazos de 2º leron tamén un maravilloso manifesto escrito por esta última. Léron tamén Sofía Valiño, Cristina Quintáns e Laura Santiago de 3o e 4o da ESO unha escolma de frases: denuncias, críticas proclamas alusivas ó tema froito do traballo nas aulas. Para rematar Silvia e Johana de 1º da ESO leron dous poemas da súa autoría, un deles un "acróstico" formando a palabra igualdade.

Concentracion polo 25N en Muxia co IES Ramon Caamano e o CEIPConcentracion polo 25N en Muxia co IES Ramon Caamano 2Concentracion polo 25N en Muxia co IES Ramon Caamano 4Concentracion polo 25N en Muxia co IES Ramon Caamano

Pon as lentes violetas

Boa implicación do profesorado que estivo as semanas previas traballando co alumnado nas aulas, facendo diversas pancartas para visibilizar o tema no centro, e ó que axudou na elaboración da actividade de visionado colectiva nos segundos recreos da semana previa e posterior ó 25 de Novembro: PON AS LENTES VIOLETAS, que consistiu e consiste no visionado de "curtas" de poucos minutos con temática de denuncia sobre a violencia de xénero na pantalla do hall do centro. Tamén durante os primeiros recreos se proxectan videos musicais de artistas que coas súas letras axudan a visibilizar o problema.

Novas relacionadas

Comentarios