Vén cargada esta fin de semana por Nemiña, cunha divertida noite de música no Nemiñarea-Saburil e unha mañá de limpeza medioambiental con mar de Fábula.

Noite de música

Ata 4 bandas tocarán dende as 19:00h deste sábado 30 de agosto no Saburil., A xornada abrirá Saibrán, membro de Boyanka Kostova. Seguirán dando candela os divertidos vigueses Queimacasa, para continuar con Susto que Flipas. A banda corcubionesa volve chea de garra co seu punk a unha das salas que as viu nacer.

Pechará a noite Lucifer Dj, Lucía Muñoz, unha valenciana/londinense que pasa aquí os veráns dando clases de surf.

Limpeza dominical

Para os que durman preto, e pouco, Mar de Fabula convoca unha limpeza na mesma praia de Nemiña. O punto de encontro será ás 11:0oh no aparcamento zona do restaurante "O Saburil”.

A efectos de cobertura de seguros é necesario anotarse con nome, apelidos e DNI, no correo electrónico: info@mardefabula.gal ou no teléfono: 608609042. Eles levarán o material necesario para acometer esta limpeza.