Esta mesma noite terá lugar o acto de entrega do II Premio de Posía Gonzalo López Abente en Muxía. A Fundación Gonzalo López Abente outorga o premio que recaeu no libro OS DÍAS CONDENADOS. FRAGMENTOS PARA UN DEVOCIONARIO, de Laureano Xoaquín Araújo Cardalda. O acto de homenaxe ao premiado terá lugar no Salón do Voluntariado de Edificios de Servizos Múltiples de Muxía. As pandereteiras Abaladeiras de Muxía serán as encargadas de facer a apertura e de seguido deixarán paso a unha conferencia impartida polo escritor e poeta Xosé Luís Méndez Ferrín, patrón da Fundación. O vicepresidente da Fundación, X. H. Rivadulla Corcón, será o mestre de ceremonia do acto. Na entrega do premio participarán ademais o Presidente da Fundación, Manuel Bragado, María Canosa e María Lado, que representan ao xurado e o Alcalde de Muxía, Felix Porto. A Coral Polifónica Virxe da Barca de Muxía porá o punto e final a unha gala na que o premiado, recibirá un premio de dous mil euros e unha escultura da artista Viki Rivadulla e o seu libro será editado por Edicións Xerais de Galicia.