O Servizo de Protección da Natureza (SEPRONA) da Garda Civil de Corcubión comezou a investigar a unha veciña de Frixe-Muxía de 63 anos como presunta autora dun incendio forestal. Unha muller que xa fora investigada fai anos polo mesmo delito e que foi vista nas zonas ao pouco de empezar os incendios.

A investigación comezou o 11 de agosto de 2025, tras unha denuncia dun incendio na localidade de Frixe-Muxía. As primeiras informacións apuntaban a un presunto autor doutros incendios que se produciran recentemente na zona. No lugar dos feitos, os axentes tomaron declaración a varias testemuñas, algunhas das cales afirmaron ter visto á sospeitosa nas inmediacións do incendio, mesmo saíndo do bosque a poucos metros do lume.

Unha das testemuñas achegou unha fotografía da sospeitosa. Tras unha conversa coa sospeitosa, detectáronse numerosas contradicións no seu relato, polo que foi trasladada ao cuartel de Corcubión para a súa investigación por presuntos incendios forestais.

As declaracións da.sospeitosa axudaron a esclarecer un total de cinco incendios forestais ocorridos na mesma localidade, nas seguintes datas: o 3 de agosto, dous o 5 de agosto, o 9 de agosto e o 11 de agosto de 2025.

A Garda Civil agradece a colaboración cidadá na resolución deste caso, demostrando unha vez máis a importancia da implicación dos veciños na prevención e resolución de delitos contra o medio ambiente. As investigacións foron remitidas ao Xulgado de Primeira Instancia e Instrución de Corcubión.