Luar na Lubre volve espallar o nome de Muxía e da Costa da Morte
Que fermosa sae a Costa da Morte, que fermosa sae Muxía neste novo vídeo de Luar na Lubre, esa banda que alá por onde vai leva o nome da Costa da Morte como parte do seu ser. A banda galega é a mellor embaixadora da nosa terra polo mundo.
E así o demostrou con este vídeo, gravado o pasado 30 de abril na terrazas do Albergue Bela Muxía situado na vila de Muxía. O grupo xunto co público, foron os protagonistas da gravación de Contraproducións, coa colaboración de Rubén Prieto (dron), dando lugar ao novo videoclip da banda, que presenta á súa nova violinista, Antía Ameixeiras.
The Sailor's Hornpipe/Pasacorredoiras é o título das tres melodías que compoñen este tema, sendo a primeira delas 'The Sailor's Hornpipe', unha antiga e popular danza mariñeira orixinaria das illas británicas e que xunto cas dúas melodías que a seguen, Pasacorredoiras de Poio (Pontevedra) e de Vilalba (Lugo), extraídas do prestixioso cancioneiro galego de Castro Sampredro e Folgar, combinan unha frenética danza que invita ao movemento e á festa.
30 anos de Luar Na Lubre
Neste 2016 Luar Na Lubre está a celebrar por todo o alto que cumpren 30 anos de existencia, cunha xira por toda a Península presentando o seu último álbum, ‘Extra Mundi’. Trátase dun traballo con 14 temas no que hai versións de cancións tradicionais doutros países ademais de creacións propias e adaptacións de temas galegos.Entrevistas con Luar na Lubre
- Bieto Romero de Luar na Lubre: “Fisterra pretende ser o himno dos mariñeiros”.
- Luar na Lubre: “A música tradicional é a nai de todas as músicas”.
- Luar na Lubre (II): “A Costa da Morte é unha paixón”.
Máis información
Luar na Lubre na Costa da Morte
- Luar na Lubre estrea a súa Torre de Breogán.
- Unha viaxe Sinfónica con Luar na Lubre pola Galicia gaélica.
- Luar na Lubre rubrica o seu compromiso co Monte Pindo doando parte da recadación dun concerto.
- Luar na Lubre pide a declaración do Monte Pindo como Parque Natural na presentación da súa nova voz.
- O nome do Monte Pindo podería vir da lingua gaélica afondando nas súas raíces celtas.
- Unha nova e impresionante voz para Luar na Lubre.
- Luar na lubre homenaxea ao Monte Pindo no seu último disco.
Fonte
- Redacción de QPC ([email protected]).
