Medio Rural constata que non se localizaron máis puntos infestados pola praga da pataca
10:26 12/04/18
Onte reuniuse en Compostela a comisión de seguimento da praga da pataca
A comisión de seguimento da couza guatemalteca da pataca - liderada pola directora xeral de Gandaría, Agricultura e
Industrias Agroalimentarias, Belén do Campo - reuniuse onte en Santiago despois de que Muxía se sumase á lista de concellos infestados por esta praga. Na xuntanza constatron que tras a revisión dun 300 almacéns de particulares na zona de Muxía e nos lugares declarados como tampón "non se localizou ningún positvo de couza".
Era precisamente o que querían oír os centos de pequenos productores da Costa da Morte e que agardan agora a que deixe de chover para non retrasar máis o sembrado do tubérculo.
"O reforzo deste labor de inspección decretouse como medida complementaria á recollida de pataca nestas áreas, así como a outras accións relacionadas coa información e divulgación aos interesados", sinalan desde a Xunta. A esto hai que sumarlle as charlas informativas organizadas (e pagadas) en concellos como Muxía, Dumbría ou Vimianzo, entre outros.
Novas da couza da pataca
- Novas charlas informativas na zona tapón da couza da pataca
- Cee tamén bota patacas.
- A Xunta, que xa retirou 3.700kg de pataca en Muxía, informa aos alcaldes da zona tapón.
- Vimianzo xa se move ante a ameaza da couza da pataca.
- Marzo 2018: Muxía, primeiro concello da Costa da Morte afectado pola couza guatemalteca da pataca.
Fonte
- Redacción de QPC ([email protected]).