Así o presentaba esta mañá Bieito Romero na vila da Barca. O líder da banda máis internacional de Galicia ofrecía unha rolda de prensa na que anunciou que a banda folh coruñesa gravará a finais de abril o seu próximo videoclip nesta localidade da Costa da Morte.

O vídeo gravarase con varias cámaras e un dron en varias localizacións desta vila, entre elas o entorno d’A Barca e o albergue Bela Muxía.

Este video-clip poñerá imaxes ao tema ‘The Sailor Hornpipe/Pasacorredoiras’ do último disco do grupo, ‘Extra Mundi’, que foi publicado por Warner Music a finais do ano pasado. É un tema tradicional de orixe británica e carácter mariñeiro que acompaña neste traballo mundial á canción que leva o nome de ”Fisterra”, que poden escoitar aquí:

Mini-concerto aberto ao público

As imaxes serán gravadas o día 30 de abril se as condicións meteorolóxicas o permiten. Para iso Luar na Lubre ofrecerá un mini-concerto acústico no albergue Bela Muxía, que será gravado e que está aberto á participación do público. Quen queira participar (e aparecer así no videoclip) terá a oportunidade de facelo participando nun sorteo a través das redes sociais do grupo.

Teredes que estar atentos ao Facebook Oficial de Luar na Lubre.

30 anos de Luar Na Lubre

Neste 2016 Luar Na Lubre está a celebrar por todo o alto que cumpren 30 anos de existencia, cunha xira por toda a Península presentando o seu último álbum, ‘Extra Mundi’. Trátase dun traballo con 14 temas no que hai versións de cancións tradicionais doutros países ademais de creacións propias e adaptacións de temas galegos.

Entrevistas con Luar na Lubre

• Bieto Romero de Luar na Lubre: “Fisterra pretende ser o himno dos mariñeiros”.
• Luar na Lubre: “A música tradicional é a nai de todas as músicas”.
• Luar na Lubre (II): “A Costa da Morte é unha paixón”.

Máis información

• luarnalubre.com.
• Facebook Oficial de Luar na Lubre.

Luar na Lubre na Costa da Morte

• Luar na Lubre estrea a súa Torre de Breogán.
• Unha viaxe Sinfónica con Luar na Lubre pola Galicia gaélica.
• Luar na Lubre rubrica o seu compromiso co Monte Pindo doando parte da recadación dun concerto.
• Luar na Lubre pide a declaración do Monte Pindo como Parque Natural na presentación da súa nova voz.
• O nome do Monte Pindo podería vir da lingua gaélica afondando nas súas raíces celtas.
• Unha nova e impresionante voz para Luar na Lubre.
• Luar na lubre homenaxea ao Monte Pindo no seu último disco.

Fonte

• Redacción de QPC (info@quepasanacosta.gal).