O pasado 12 de xuño, o Clube Arte e Movemento celebraba a súa exhibición anual. Unha cita especial por rompía todas as marcas de participación dos últimos anos. Participaron nada menos que 330 participantes (80 máis que o ano pasado) da Costa da Morte, que se di pronto, todos eles alumnos de Arte e Movemento, instruídos polos mestres Juan Carlos Díaz e Graciela Toba.

Ambos organizaron esta cita que rozou a perfección, a pesar de contratempos coma algún que outro rapaz enfermo, que deixaban parellas sen poder bailar, pero ao que se lle atopou parella que de feito levaban o ano enteiro agardando por poder participar.

I é que os nervos estiveron a flor de pel. As 2.000 persoas que encheron o pavillón municipal de Cee (non había sitio "nin sentados nin ó pé das barandillas) provocaron que moitos dos participantes sufrise o medo escénico nas súas carnes. Pero non impediron o bo desenvolvemento das exhibicións

O público puido disfrutar así das exhibicions de Baile de salón, Taekwondo e Kick-boxing, con deportistas con edades comprendidas entre os 4 e os 50 anos. Dos 330 participantes, había 127 nenos alumnos do clube de taekwondo, 4 mozos de kick-boxing, e 200 bailaríns.

A emoción invadíu o pavillón

A propia organización destaca varios momentos especialmente emocionantes, ademais de destacar que a exhibición cumpliu co horario cunha puntualidade estraña na nosa bisbarra:

• A presentación do equipo de taekwondo, onde os 127 rapaces seguiron as orden do seu entrenador Juan Carlos Díaz, e todo o pavillón permanecía en silencio para escoitar as ordes de Díaz.

• Outro momento espectacular tivo lugar cando se levantou o público coas parellas de Baile deportivo, na modalidade de baile de competición, onde 5 parellas amosaron ó público á perfección, elegancia e disciplina do baile deportivo. Estas parellas, tamén alumnas do clube, viñan de Carnota, Cee, e Rois. Os asisntentes puideron ver as diferencias de coreografias, vestuario, e técnica segundo as categorías.

• Pero os mellores momentos ofrecéronos os máis pequenos, que representaron as súas actuación totalmente metidos nos seus papeis levantando ovacións no público.

Novas relacionadas

• Exibición 2010: Máis de 1.500 persoas disfrutaron da beleza das artes marciais en Cee.
• Os taekwondistas costeiros acadaron o 2º posto nos Provinciais e preparan a exhibición anual.
• Baile e movemento comeza abril con festexos.
• 3 pequenos taekwondistas da Costa clasifícanse para o Campionato Galego.
• Camariñas puxo o quimono.
• Doble éxito do taekwondo e do baile da Costa da Morte.
• 11 deportistas do Club Arte e Movemento clasifícanse para a Fase Autonómica de taekwondo.
• O Club Arte e Movemento comeza a nova temporada de baile, taekwondo e Kick-boxing .
• O Club Baile e Movemento comezou a campaña con máis trofeos que parellas.
• A escola Arte e Movemento baila e pelexa.

Fonte

• Nota de prensa do Club Arte e Movemento, da man de Juan Carlos Díaz e Graciela Toba.