Todo listo para o XI Duatlón Cross de Reis Concello de Vimianzo

Xa está todo listo para a celebración da popular proba de Reis que se celebrará o domingo 12 de xaneiro na parroquia de Salto (Vimianzo).
Un total de 190 corredores tomarán a saída ás 11:00 da mañá no lugar de Castromil para percorrer unha distancia de 30 quilómetros divididos en tres segmentos:
- 1º segmento: carreira a pe de 5,4 km
- 2º segmento: carreira en bicicleta de 21 km (dúas voltas a un percorrido de 10,5km)
- 3º segmento: carreira a pe de 3,6 km
Por primeira vez a proba formará parte do “renovado” Circuíto Galego de Duatlón Cros e será, precisamente a proba vimiancesa, a que abrirá o Circuíto co Premio de Inverno, do que forman parte tamén o duatlón de Sada e o duatlón das Letras, de Baio.
Na categoría masculina non hai un favorito claro e prevese unha carreira estará moi reñida na que terán as súas opcións xente coma David Calzas, Martín Regueira, Gabriel Castiñeira, Porfirio Fernández ou Alberto Candeán.
En categoría feminina a clara favorita é Mar Delgado, campioa no 2017, 2018 e 2019, aínda que non llo porán nada fácil xente coma María Martínez, Cristina López ou Amira Simón.