Alumnos de todo o país coñecen Ponteceso
Un bo xeito de dar a coñecer os tesouros dun Concello é artellar un programa de visitas guiadas, mediante o cal, calquera colectivo educativo, social e cultural, poida optar con facilidade a facer unha excursión guiada poll teu municipio. Nesa liña traballa moi beno Concello de Ponteceso que a través do Departamento de Turismo desenvolve un completo programa de visitas
Quen mellor ademais que o propio Técnico de Turismo pontecesán, Javier Couto, para facer de guía. Nótase no seu xeito de falar o seu amor polas terras do bardo, e por cada recuncho con encanto. E así o notan os que teñen a sorte de cruzarse con el no Camiño.
Como os 80 alumnos de 1º de Secundaria do Colexio Fogar de Santa Margarida da Coruña, que o pasado martes percorrían os puntos claves do Concello acompañados por 4 mestres e polo guía de excepción.
Animamos así a todos os centros de ensino da bisbarra a que coñezan o Concello pontecesán a través deste programa, e facemos o propio cos concellos da bisbarra para que artellen programas semellantes.
A visita, que se pode preparar tamén dende a web de Turismo do Concello de Ponteceso, permite facer diferentes rutas:
- Ruta de sendeirismo “Polas ribeiras do río Anllóns” [pdf].
- Ruta de sendeirismo “Camiño da ribeira”.
- Roteiro Pondaliano “Val Nativo".
Máis información e solicitudes
As solicitudes presentaranse con 15 días de antelación no Concello de Ponteceso, o grupo será alomenos de 15 persoas, e o servizo de guía é de balde.
Novas relacionadas
Fonte
- Redacción de QPC ([email protected]).
- Nota de prensa do Concello de Ponteceso.
