O sábado é un día intenso para a compañía Badius Teatro. "Facer o sueco" é o novo espectáculo da compañía baiesa, que estrea na Casa dos Veciños do Couto, no marco do Programa Outono Pondaliano da Fundación Eduardo Pondal.

Ademais, "Facer o sueco" vén en clave de actualidade. Pois en plena crise, con recortes en cultura, un grupo de teatro afeccionado e "acapás" de facer unha montaxe escénica "o grande".

Baixo a dirección de Alberte Villar, e coa adaptación do texto da man de Ricardo Vigueret, poderemos ver en escena ao Pibe Pablo Soto, a Marco Álvarez, Gloria Regaldie, Lourdes Vidal, Moncho Lema, Raúl González Doldán, Juan Caamaño e Fernanda Regaldie.

Sinose de "Facer o sueco"

Tomé esta nun apuro; o seu xefe sueco do IKEA vén á Coruña devolverlle unha visita. Como é de orixe esquimó, en Suecia cedeulle a súa muller, pero Tomé non está disposto a facer o mesmo. Entón, xunto co seu amigo Casio, un home moi calculador, recorre a unha solución que vai ocasionar unha gran lea.

A cita será este sábado 6 de outubro ás 22:00h na Casa dos Veciños do Couto, Ponteceso.

Máis info

• Facebook do Grupo Badius.
• Canle de Youtube de Badius.

Novas relacionadas

• Hoxe comeza a nova edición do Outono Pondaliano.
• O teatro non ten idade en Zas.
• 25 anos espallando o teatro dende Baio para toda a Costa da Morte.

Fonte

• Redacción de QPC (info@quepasanacosta.gal).