O do Roncudo, escollido Mellor Percebe de Galicia
![O Percebe de Corme o mellor de Galicia TVG](/asset/thumbnail,992,558,center,center/media/quepasanacosta/images/2023/06/17/2023061709431894369.jpg)
09:45 17/06/23
Este pasado venres a TVG estreaba programa, “Bicos e bicas”. E unha das primeiras accións tivo que ver cos nosos percebes.
A canle realizou unha enquisa con chamadas telefónicas por toda Galicia preguntando cal é mellor percebe de Galicia. Tras unha primeira rolda saíron escollidas 4 denominacións: Baiona, Aguiño, Cedeira e Corme.
Continuaron con chamadas, preguntando e preguntando, e a finalísima, gravada esta semana en Ourense, consistía nunha cata con especialistas. Ata aló foi unha delegación cormelá con patrón maior e presidente da Agrupación á cabeza.
Menuda alegría levaron cando viron que a cata, e a enquisa colocaba o percebe do Roncudo como o Mellor de Galicia, con moita vantaxe sobre os seus perseguidores.
Poden ver aquí o programa.