Emotivo arranque do Festiletras coa entrega dos premios Bos e Xenerosos
18:02 15/05/17
Marcos Pereiro, Uxía Senlle, Concha Blanco, Ramón Villares, a Fundación Barrié e Xosé Antonio Touriñan recibiron o premio Bos e Xenerosos da Fundación Eduardo Pondal. Imaxe: Diario de Bergantiños
Onte botou a andar a 35ª edición das Festiletras do Couto; un variado programa cultural co gallo da celebración das Letras Galegas. O programa arrancou, como vén sendo habitual, coa entrega dos Premios Bos e Xenerosos da Fundación Eduardo Pondal; un recoñemento pola defensa da lingua que nesta ocasión recaeu no académico Ramón Villares, na cantante Uxía Senlle, na Fundación Barrié, na escritora Concha Blanco e nos humoristas Marcos Pereiro e Xosé Touriñán (que non puido asistir á entrega do premio). O acto abriuse cunha presentación institucional na que participaron os premiados e no que Uxía Senlle cantou unha estrofa do himno galego.
Onte tivo lugar no adro da igrexa de San Tirso a tradicional ofrenda floral. Imaxe: Diario de Bergantiños
"Foi un acto moi emotivo", recoñece Xosé María Varela, un dos organizadores do Festiletras. A emoción sentiuse na inauguración da exposición de pintura "A cantiga de Buserana" de Viki Rivadulla na que un dos cadros está adicado a Paco Souto - que faleceu o pasado mes de abril mentras mariscaba -. A inauguración da exposición veu acompañada "doutro descubrimento", recoñece Varela que veu da man de Adhara Caamaño; unha carnotá que interpreta a Rosalía de Castro en clave de reggae. A xornada matinal rematou cun par de pezas interpretadas polos integrantes da escola de Zanfonas da Terra.
Adhara&Ritman participaron na inaguración da mostra de pintura de Riki Rivadulla
As actividades continauron pola tarde cun itinerario dramatizado que discorreu por Dombate e por Fornelos (Baio-Zas) onde se conserban topónimos pondalianos como Fornellas e Reirís. A ruta fíxose en colaboración coa asociación de veciños "A Fonte" de Fornelo. A dramatización do itinerario correu a cargo de Yago Espasandín - estudante da escola dramática de Galicia -, Tamara Lema e Silvia Losada.
Marcos Pereiro fixo rir aos espectadores co seu monólogo "Como ser armario empotrado"
A primeira xornada do Festiletras 2017 rematou co monólogo "Como ser armario empotrado" de Marcos Pereiro quen foi capaz de facer rir sen parar aos máis de 70 asistentes durante hora e media. Durante o seu espectáculo, Pereiro - que xa actuou no Festiletras en varias ocasión interpretando ás Cantareiras de Ardebullo - "presentou o seu libro" sobre o mundo dos ximnasios.
Homenaxe a Asunción
Isabel Rey Porteiro recibiu o premio de Labregha Bergantiñana no FestiletrasA cita do luns incluíu unha fermosa homenaxe a Asunción Antelo. Alumnos do IES de Ponteceso escoitar de primeira man un coloquio sobre a Rexoubeira de Bergantiños, a “A voz feminina creativa máis salientable das terras de Pondal”. Cristina Abelleira, Lupe Blanco, Silvia Losada, Eloi Vidal, Miguel Calvo e J. A. Andrade, participaron antes do recital poético da mocidade.
Tan emotivo foi ademais o recoñecemento como Labregha Bergantiñana a Isabel Rey Porteiro, esa eterna veciña que tanto fixo por Asunción e que tanto ten feito polo seu legado.
Concerto de Sés
Moi esperado foi o concerto de Sés, que volveu encher a Casa dos Veciños do Couto.
https://www.facebook.com/quepasanacosta/videos/10155159563977177/Novas relacionadas
- Abril 2017: 35 actos para o 35 aniversario do Festiletras.
- Abril 2017: Festiletras 2017: O frasco pequeno onde caben todas as esencias da cultura galega.
- Marzo 2017: Unindo aos tres protagonistas do Rexurdimento literario galego polo centenario do pasamento de Pondal.
- Festiletras 2016: A familia das Letras Galegas vive no Couto.
- Festiletras 2016: Os Bos e Xenerosos da Fundación Eduardo Pondal, primeiro prato do menú do Festiletras.
- Festiletras 2016: Sabroso e variado menú cultural para o gran Festiletras 2016.
- Festiletras 2015: Emotividade e risas para o comezo do #Festiletras2015.
- Festiletras 2015: Ángel Carracedo, Margarita Ledo, Siro López e Guadi Galego, os Bos e Xenerosos da FEP 2015
- Festiletras 2014: A Aldea das Letras abre os ollos a outros mundos para seguir facendo país.
- Festiletras 2014: Os Bos e Xenerosos da Fundación Eduardo Pondal.
- Festiletras 2013: As grandes actuacións encheron a Aldea do Couto de Letras.
- Festiletras 2012: Cheo tras cheo no espectacular Festiletras da aldea do Couto.
- Festiletras 2011: Hai canteira para a Festa das Letras do Couto.
Máis novas
- A mocidade que forma.
- Guadi Galego: “As letras galegas xa non son se non hai Festiletras”.
- 2016: A mocidade pondaliana comparte experiencias.
- 2014: A mocidade voluntaria do Couto levanta a man.
- 2013: Do enorme traballo de canteira dende O Couto.
-
Máis novas
Máis Programas das Letras Galegas
- Os Empresarios de Ponteceso únense ao Festiletras con Festisabores, Festidescontos e Festitaxis
- A Biblioteca de Santa Comba achega as Letras Galegas a pequenos e maiores.
- A familia da Mazarica medra polas Letras Galegas.
- Vimianzo, Camariñas, Laxe e Carnota homenaxean a Carlos Casares no día das Letras Galegas.
- Fisterra e Cee presumen de Letras
- Cee adica o mes de maio a Baldomero Cores
- Malpica sumérxese No Tempo das Letras
- Completo programa cultural para o maio das Letras de Zas.
- Muxía celebra o mes das letras con distintas actividades.
- Os centros educativos de Coristanco preparan o certame literario Asunción Antelo.
- Redacción QPC ([email protected])