Xoves. 05.08.2021
El tiempo

Insua de Viastela prepara unha nova semana cultural arredor de Mourelle

Insua de Viastela semana xullo
Insua de Viastela prepara unha nova semana cultural arredor de Mourelle

Nova semana axitada para a familia da Asociación Cultural Insua de Viastela. Como está acontecer ao longo deste verán, o mércores toca lectura arredor da historia de Mourelle da Rúa. Desta volta, na serie “Un mar de relatos”, o Museo de Arte Contemporánea da Costa da Morte MACCMO acollerá unha lectura a partir das 12:30h de “La Sirena en la Niebla”, de Ray Bradbury”.

O vindeiro 16 de xullo ás 19 horas artellan concerto de música clásica na igrexa parroquial Nª Sª dos Remedios de Corme. Simón Gallego será o protagonista do evento, primeiro galego en formarse na prestixiosa Universidade musical Berklee College of Music de Boston. Actualmente forma parte do Coro e a Orquesta Xove da Sinfónica de Galicia.

A xuventude de Simón (A Coruña, 2003) non fai senon aportar enerxía, ademais de tocar violín e piano, canta, compón e escribe, xa leva tres títulos publicados: Bus para el otro barrio, La ciudad de las moscas doradas e Sala de reflejos, a súa última obra, editada por ECU Editorial.
Este concerto non deixa de ser unha consideración á memoria do almirante Mourelle de la Rúa no día da patroa do mar e da Armada.

Día do Kaiak

E para o sábado, a entidade organiza un novo Encontro. Ás 12:30h, o MACCMO acolle o Encontro sobre o Viaxe de Mourelle a Alaska en 1779.

Despois haberá unha concentración da kaiaks na Ribeira, en homenaxe a un dos seus inventores.

E pola tarde, ás 16:30h, xornada de limpeza da especie invasora unlla de gato na praia da Ermida, co apoio do Concello, a Confraría, a ACD San Adrián e Ponteceso Cultura Permanente.

comentarios