O novembro de Ponteceso, o mes do Teatro
10:13 26/10/21
Do 6 ao 27 de novembro desenvolverase a XXVIII edición do Ciclo de Teatro en Ponteceso. Todos os sábados do mes, ás 22:30 horas, o salón de actos do Edificio das Escolas acollerá representacións de grandes compañías da escena galega.
Estas son as actuacións previstas:
- 6 de novembro: "Feminísimas" de Ste Xeito Producións.
- 13 de novembro: "Mofa e Befa: dúas pedras no camiño" de Producións Teatrais Excéntricas.
- 20 de novembro: "A lingua das bolboretas" de Sarabela Teatro.
- 27 de novembro: "Dúas donas que bailan" de Teatro Andamio.
Lembran que é preciso reservar as entradas contactando co Departamento de Cultura do Concello de Ponteceso na mesma semana en que se representará o espectáculo ao que se desexa acudir ou unha hora antes da función.
