Luns. 27.01.2020
El tiempo

Ponteceso, o primeiro Concello que alza á voz contra Naturgy ante a avalancha de cortes eléctricos

Corcubión amenceu sen luz na mañá do xoves
Corcubión amenceu sen luz na mañá do xoves
Ponteceso, o primeiro Concello que alza á voz contra Naturgy ante a avalancha de cortes eléctricos

Así amencía onte Corcubión. Sen luz, nun dos innumerables cortes de electricidade que estes estes días asolagan, como as chuvias, a nosa comarca. Vilas como Cee, Corcubión ou Fisterra están sufrindo continuos fallos da rede eléctrica (ducias de cortes durante estes días), pero outras partes da comarca non son alleas a estas problemáticas.

Por Bergantiños pasa tres cuartas partes do mes, e así o denuncia hoxe o Concello de Ponteceso, o primeiro en alzar a voz e sumarse á indignación social pola falta de suministro eléctrico.

Foron 12 as horas que pasaron [email protected] veciñ@s de Ponteceso, achicando auga por mor das inundacións, pero sen luz. Por iso, o alcalde Lois Carballido, ademais de anunciar unha queixa oficial en Industria “polo maltrato ao noso concello”, invita aos veciñ@s a presentar reclamacións á empresa subministradora, que non é outra que Naturgy, polas importantes perdas que supón a falta de luz, pero, sobre todo, polos danos materiais tan cuantiosos que está a provocar a auga pola símple perda de tempo efectivo de traballo (en establecimentos, empresas….) e tamén non poder utilizar bombas de achique.

A Garga anegada Ponteceso
Vista da zona da Garga absolutamente asolagada

O alcalde púxose en contacto co responsable de Naturgy para pedirlle explicacións. Segundo indicou o representante da empresa, producíronse dúas avarías en dúas liñas, e os traballos para reparalas continúan a esta hora, pasadas as 18.00 horas, sen solución.

O Concello de Ponteceso está a recibir numerosas queixas da veciñanza, que cualifica a situación como “terceiromundista”. Ademais das perdas económicas, debido ás avarías eléctricas tampouco funciona a telefonía de R.

Novas relacionadas

Comentarios