Entre Corme e Malpica se desenvolveu o novo operativo contra o furtivismo da Garda Civil. Foi o Servizo Marítimo Provincial da Garda Civil da Coruña, cando se atopaba en servizo de vixilancia de costas e portos, o que observou no porto de Malpica a unha persoa como recollía dous sacos de rede que se achaban fondeados e os introducía nun camión.

Instantes despois inicia a marcha ata chegar ao porto de Corme, onde tras descargar ambos sacos foi interceptado e identificado, resultando ser un veciño do municipio de Ponteceso de 44 anos de idade.

No interior dos sacos atopáronse un total de 23 kg de nécoras carentes de calquera tipo de documentación que amparase o seu transporte e trazabilidade, procedendo nese momento á aprehensión do marisco por suposta infracción á Lei 11/2008, de Pesca de Galicia, tramitando unha proposta de sanción para a súa remisión á Xefatura Territorial da Consellería do Mar na Coruña.

Novas relacionadas

• 17-11-20: A apertura da centola provoca o aumento de capturas ilegais.
• 13-11-2020: Aprehendidos 35 kilos de centolas en Muros
• A Garda Civil requisa unha embarcación e un vehículo en Camariñas trala descarga de 121 kg de peixe espada ilegal.
• Os percebeiros de Muxía cazan un furtivo en plena faena .
• A Garda Civil decomisa un peixe espada de 245 kilos dunha furgoneta de Camariñas.
• Incautan 1000 kg de sardiña descagarda cunha planeadora sen alumeado no peirao de Cee.