Presentación oficial da Agrupación Deportiva Abellariza de Ponteceso

Este sábado presentábase oficialmente a nova Agrupación Deportiva Abellariza. Unha entidade que nace cun claro cabalo de batalla, a construción dunha pista de atletismo en Ponteceso, xa que unha vez que os permisos xa están concedidos, levan tempo esperando á subvención da deputación.

A directiva da entidade, formada por Miguel Cousillas Regueira, Miguel Ángel Amado Suárez, Jose Ramón Bazar Anido, Óscar Moreira García, Juan José García García e Manuel Varela Domínguez, estivo arroupada polo padriño da Agrupación Fran Rodríguez Bugallo, cormelán e campeón galego de atletismo, emais por Quito, deportista da localidade e integrante do equipo Brigantia.

O presidente da agrupación Miguel Cousillas e Manuel Varela fixeron unha exposición aos cerca de 60 asistentes e mostraron este vídeo a vista de dron de como quedaría a pista que proxectan.

Ademais, expuxeron as súas ideas e obxectivos, pois a Abellariza pretende tamén a agrupación educar en hábitos saludables e organizar actividades que sexan coherentes cos seus obxectivos, que respeten o ritmo biolóxico dos participantes, e que permitan si pode ser a diversión e o aprendizaxe en grupo: roteiros / andainas, quedadas, entrenamentos libres.

O propio presidente cóntanos como nace a Agrupación: "A fundación da agrupación xurde porque queremos que haxa oferta pos rapaces e sobre todo para as rapazas, xa que chega unha idade determinada que só teñen acceso á práctica do futbol, e o que pretende Abellariza é poder formar e informar a xente de todas as idades. Queremos chegar tamén a xente maior que camiña por prescripción médica, darlle unhas charlas para que sepan que tipo de roupa deben usar para camiñar, explicarlle o tema do quencemento, estiramentos, rutas a seguir, que saian a camiñar xuntos, queremos que saquen o maior aproveitamento das andainas que fan".

De feito, a primeira actividade na que colaboran e a organización xunto o Concello da Carreira Popular Pedestre que se celebrará o Domingo 12 de xuño, para elo traballaron codo con codo con Remedios Varela, técnico de Deportes de Concello, e con Marco Varela, concelleiro de Deportes do Concello.

Xa podedes falar coa organización para facervos socios, haberá dúas modalidades, socios numerarios, e socios fundadores, éstes últimos poden facer unha aportación de 5€ para colaborar cos gastos de constitución da Agrupación, pero a todolos efectos todos os socios serán iguais.

Fonte

• Abellariza.