Aínda que algúns patróns e armadores non están dacordo coas novas medidas europeas para o control do sector pesqueiro, a algúns galegos, parécennos medidas insuficientes totalmente Que a piratería capitalista de saqueo e arrase está esterminando o mundo do mar é unha realidade máis que evidente, e moito mais naquelas rexións de Europa onde as normas están para ser incumplidas, onde non se respetan coutas, vedas, tallas mínimas, etc, etc… pois só importa vender fóra da lonxa e a factura con B de Bárcenas e carto fresco para o peto, e asi, claro, asi imos fatal. Os descartes, ese gran dilema sen aperente solución, só é a punta do iceberg dunha política pesqueira (a española) desastrosamente torticera onde os grandes armadores fanse de ouro coas súas grandes flotas de arrastre e mentras a flota do cerco sae a pescar todo canto caia na rede para poder levar un cacho de pan a mesa. E xa non falemos da ausencia total de zonas protexidas no noso litoral para que nun futuro moi próximo exista algo que pescar, medidas urxentes que (por suposto) ninguén levará a cabo porque os mariñeiros xa son case todos africanos e filipinos (que me gustaría saber en que condicións viven e en que condicións faenan) e a gran flota pesqueira xa foi despedazada hai xa uns cuantos anos; ademáis os dirixentes españois miran só polos seus intereses. E dicir, a ninguén parece importarlle o máis mínimo o que pase na nosa costeira. O que si que podemos admitir e que os outros paises europeos toman todo tipo de medidas para que os seus litorales teñan recursos suficientes. Francia é un exemplo de unión da súa flota pesqueira e un exemplo tamén de cómo se deberían facer as cousas; os pescadores deportivos teñen que marcar as súas capturas inmediatamente o que impide que rematen no plato dalgún restaurante, existen zonas protexidas onde ningún aparello pode estar na auga, o turismo da pesca deportiva tamén ten un gran peso na economía local dos pobos da costa (especialmente na Finisterre bretona), respetanse tallas e cuotas polo ben dos bancos pesqueiros e pola gran eficacia das inspeccións cotiás que fan o seu labor axeitadamente. E namentres aqui seguimos rasgándonos as vestimentas polas sancións e polo famoso carnet por puntos para os piratas irrecuperables, e aqui seguimos con botaduras de novos barcos e seguimos ollando nasas ilegais e redes de malla fina e pulpo a tres euros o kilo fóra da lonxa (bebés de pulpo) e, claro, todo con b de bárcenas, por suposto. O que está claro e que este País bananero cheo de saqueadores do mar non precisará un brexit para sair da C. E. E. porque se os europeos son algo espabilados o que deberían facer e expulsarnos definitivamente desta sociedade de nacións por piratas e por trapalleiros. O mar xa non é de todos, o mar xa fai algún anos que é de catro armadores que soñan con ser os máis ricos do cemiterio. Sen medidas e sen goberno… non agardedes a que esto acabe ben.

• Óscar de Souto, pintor de follas en branco e autor de Trece Poemas.

Outros artigos de Óscar de Souto

• Descende o paro na Costa Morta.
• A creatividade costeira… florece na primavera.
• Mar de Fábula falará co mar nos coídos do Touriñán.
• O verdadeiros donos da Casa Republicana do Concello de Cabana.
• Buscando tesouros na praia de Laxe.
• A morte da Costa da Morte.
• Todos fomos ese neno labrego de Neira Vilas.
• Unha de cal e unha de area.
• Obscenidade, sexo e poesía.
• O Raio Vermello de Dombate.
• #12do12ás12: Galicia…. en pé de guerra.
• Con Laxe no punto de mira.
• Esta nosa Costa do Solpor.
• Brúan as vacas en Fisterra.
• A maxia dos sons ocultos.
• Carta aos amigos da radio libre.
• A puta conciencia.
• O rescate das gafas vermellas.
• Os Emperadores do mundo.
• Turismo de cantimplora.
• Os lobos feroces.
• En Laxe… os meniños escoitan cisnes.
• O Día das Letras… sen letras.
• Agora que as nosas casas son as casas do mar.
• Sen corpo para festas.
• Os timadores da bombona.
• Porcos e pienso.
• Alén dos nosos mares atlánticos.
• Con rumbo a porto esperanza.
• Crónica dunha morte anunciada.
• De vacacións a Suiza.
• Os laboratorios do verso.
• As nosas Rosalías.
• Esa amante secreta de Eduardo Pondal.
• O Dolmen de Dombate e o raio vermello do Solsticio de inverno.
• A envexa dos anxos e das prumas.
• Antón Borrazás, apagouse a túa luz.
• A cousa de Dombate… a debate.

Novas relacionadas

• Nova poesía para as ondas de radiONeria e Radio Roncudo con Óscar de Souto.
• Cabaneses que espallan cultura.

Fonte

• Redacción de QPC ([email protected]).