Xa son 25 os casos positivos de coronavirus confirmados en Santa Comba. Despois de que este pasado sábado o Concello confirmara 3 casos, as probas PCR realizadas aumentaba pronto o alcance ata os 11 casos. Esta mañá de martes, o Concello recoñece que son xa 25 os positivos confirmados, quedando aínda pendentes unha batería de resultados de novas PCRs.

O Concello toma medidas como o peche de parques infantís, o circuito de calistenia, a pista multideporte, a pista de pádel, pavillóns e piscina descuberta.

Ademais o Concello comezará a desinfección das rúas de xeito gradual, e ademais de pedir respecto e tolerancia, pide á veciñanza que respecte as recomendacións sanitarias.

Segundo fontes cercanas ao caso, o gromo xalleiro podería estar relacionado cos casos acontecidos en Muros ou Carnota, unha vez que son moitos os xalleiros que teñen a segunda residencia nesas zonas.

Novas dos últimos gromos

• 22-08-2020: Xa son 11 os positivos do gromo de coronavirus de Santa Comba.
• 21-08-2020: Santa Comba confirma 3 novos positivos por coronavirus.
• 20-08-2020: Confirman 5 positivos no Concello de Ponteceso.
• 17-08-2020: As 69 probas PCR vinculadas ao brote do camping de Muros dan negativas:
• 10-08-2020: A empresa cárnica de Baíñas confirma que os 7 casos positivos son asintomáticos e que lle fixo PCRs a todos os traballadores.
• 06-08-2020: Dous positivos por coronavirus obrigan a pechar unha empresa cárnica de Vimianzo.