As festas patronais de Carnés no municipio de Vimianzo comezaron onte coa festa da Faguía, a celebración gastronómica máis antiga do país, fundada en 1608 e declarada festa de interese turístico de Galicia. No recinto centenario da Cerca repartíronse pola tarde callos á galega, viño e refrescos gratis para máis de 2.000 comensais, acompañados de charangas e grupos de gaitas. Así nolo conta Rafael Lema, que tamén nos deixou un estudio completíismo da súa historia.
Iso si, a calor atrasou a chegada masiva de visitantes ao campo da Cerca ata o atardecer, pero tras degustar os míticos callos, o campo da festa encheuse de baile coas orquestas Panorama e Gran Combo Dominicano.

Desde as sete da tarde ata medianoche repartíronse en pratos de cerámica de Buño centos de racións de callos á galega. Para iso o cocinero xefe Fructuoso Mouzo usando 50 potas elaborou callos con 300 quilos de garavanzos, 800 de carne, 280 de pan, 500 litros de viño e refrescos. Os grupos Trubisquiña e charanga Tamega amenizaron a festa.

Ás sete o párroco Pedro Zas Esmorís ofició a misa solemne e posteriormente a procesión que levou ao santo á Cerca. Houbo unha ampla representación pública, de alcaldes, deputados, concelleiros, así como representantes de dez cofradías gastronómicas galegas, asturianas e do bailío delegado de Chaine deas Rotisseurs a asociación mundial de gastronomía, de Francia, a cofradía gastronómica mais antiga do mundo. A Confraría de Amigos da Faguía entregou as primeiras seis tellas de honra a autoridades e amigos da festa, tres con banda de ouro e tres con banda de prata. Entre os premiados, Alfonso Rueda, Mariel Padín e Julián Barrio.

A táboa de comendadores da Confraría da Faguía de Carnés presidida polo mordomo Andrés Rodriguez Martínez acordaron conceder tres tellas con banda de prata, o tegulla argentea a "Frutuoso Mouzo, gran chef da festa dos callos durante moitos anos, pola súa entrega, sacrificio desinteresado e amor a faguía". Tamén lla concederon a "José de León, o panadeiro de Vilar, pola súa contribución a faguía fornecendo de pan do país a festa dos callos durante décadas". E a "Francisco Santos Lema, membro da primeira comisión que fai 33 anos iniciou o reparto de callos como prato principal da centenaria faguía". Todos degustaron os callos no próximo recinto da festa.

E seguen a festas de San Cristovo

E non perdan ollo que estes mércores, xoves e venres continúa a troula en Carnés coas Festas de San Cristovo.

Novas relacionadas

• A Cofradía da Faguía celebrou o primeiro capítulo desta centenaria celebración gastronómica.
• En marcha a Fagía de Carnés, a festa gastronómica con máis de 400 anos.
• Fagía 2012: A Fagía: 400 anos de historia concentrados en 3000 quilos de callos.
• Fagía 2009: A Fagía acabou coas existencias de callos.
• Fagía 2008: Carnés celebrou a Fagía a base de callos.
• A Fagía de Carnés, 400 anos dunha festa singular.
• A Fagía de Carnés é declarada Festa de Interese Turístico Nacional .

Un estudio sobre a historia da Fagía de Carnés

• A Cerca, o rito de virar a tella e a Pedra do Noco (I).
• A Cerca, o rito de virar a tella e a Pedra do Noco (II).
• A Cerca, o rito de virar a tella e a Pedra do Noco (III).
• A Cerca, o rito de virar a tella e a Pedra do Noco (IV e última).

Fonte

• Redacción de QPC ([email protected]).
• Información e fotos de Rafael Lema.