Xa temos data para a gala Casting. Agora toca pensar tamén na Cea Medieval que se celebra o venres 3 de xullo, na véspera do día grande do Asalto ao Castelo de Vimianzo, reúne a centos de persoas no foso da fortaleza para comer pratos da época irmandiña e coller folgos antes de tomar a fortaleza. É sen dúbida un dos momentos máis agardados da celebración e no que moita xente lamentablemente ten que quedar fóra debido ao aforo limitado do recinto histórico. Este ano, como momento especial na conmemoración da vixésima edición do Asalto, a organización decidiu ampliar a 500 comensais como máximo a capacidade.

Ademais da cea e do espectáculo durante a mesma, ao remate (á unha da madrugada) abriranse as portas do foso ao público en xeral para poder asistir aos espectáculos teatrais e musicais.

Ao igual que o ano pasado, este será o sistema de venda de entradas (prezo de 25 €) para a VI edición da Cea Medieval:

• 1) Haberá un primeiro prazo de venda de entradas para patrocinadores e colaboradores. Este prazo rematará o 31 de maio. O número máximo de entradas que se poden comprar é de 2 por persoa. As entradas terán que ser solicitadas a Diego Hermida ([email protected] ou 660 755 517).
• 2) A partir do 1 de xuño e até esgotar existencias poranse en venda as entradas que queden libres, cun tope máximo de 500. O máximo número de entradas a sacar nesta fase será o de 4 por persoa. As entradas tan só se poderán obter a través do portal de venda online www.ataquilla.com.

Novas relacionadas

• O Asalto escollerá os seus actores na Gala-Casting do 20 Aniversario.
• O Asalto quece motores con artesanía, música e deporte.
• I Legua Irmandiña 2015: Os Irmandiños tamén saben correr.
• Bo relevo para armar un 20º aniversario do Asalto ao Castelo cheo de música.
• A Cherinkas, que se fai maior, decidirá se segue ao mando do Asalto ao Castelo.
• Asalto 2014: Os rollos da Marquesa; gañador dos pinchos irmandiños do Asalto ao Castelo de Vimianzo.
• Asalto 2013: Asalto ao Castelo, a traca final (en vídeo).

Fonte

• www.asaltoaocastelo.org.