O director de Caixabank en Vimianzo e o alcalde asinaron o convenio de colaboración O concello de Vimianzo e a Obra Social "la Caixa" veñen de firmar un convenio, no que a entidade financieira achega un importe de 5000€ para destinar a accións de formación para demandantes de emprego, a accións de apoio educativo para estudantes de primaria e secundaria e a mellorar a mobilidade das persoas. O convenio materializouse a través do alcalde de Vimianzo - Manuel Antelo - e o director da oficina de Caixabank en Vimianzo - Ángel Buño -.  asinaron un convenio destinados. Con esta axuda poderanse desenvolver accións personalizadas que satisfazan as demandas laborais propias da zona. Tamén se pretende apoiar ao alumnado con dificultades para que diminúa a taxa de abandono escolar e melloren os resultados e tamén ofrecer formación orientada á integración na vida laboral a aquelas persoas que abandonaron os seus estudos e carecen de formación específica. No referente á mobilidade das persoas a “la Caixa” colabora na organización do congreso europeo sobre migracións por razón de traballo que se desenvolverá en Vimianzo no mes de outubro. O representante de CaixaBank, Ángel Buño, trasladou ao alcalde a satisfacción de todos os empregados da entidade en Vimianzo de poder colaborar na atención das necesidade sociais dos veciños da localidade. Novas relacionadas

• O concello de Vimianzo e a Obra Social La Caixa renovan os seus lazos
• A Obra Social La Caixa aterra en Vimianzo

Fonte

• Redacción QPC (info@quepasanacosta.com)
• Concello de Vimianzo