A Xunta destaca o potencial do Castro Barreiras pero non se compromete a dar novos pasos
19:05 29/10/10
Xusto cando rematan as excavacións arqueolóxicas no Castro das Barreiras, en Ogás, Vimianzo, o BNG da localidade pide ao concello que inste á Xunta a catalogalo como Ben de Interese Cultural e que suscriba un convenio para unha nova excavación e posta en valor. I é que como destaca hoxe a propia Consellería de Turismo, os resultados, superaron as expectativas iniciais.
Así o afirmaba onte o director xeral de Patrimonio, José Manuel Rey Pichel, que estivo acompañado na xornada polo xefe territorial da Xunta na Coruña, Manuel Varela e a responsable do Partido Popular de Vimianzo, Carmen Borbujo.
Achádegos
Os traballos, para os que se destinaron 30.000€ nestes 3 anos, datan ao xacemento das Barreiras a finais da idade do ferro, establecéndose a súa cronoloxía entre o século II a.C. e o cambio de era. Nas catas realizadas atopáronse os restos de 3 vivendas castrexas de planta circular e muros de cachotería. A gran maioría das catas tiveron un resultado positivo polo que se intúe que todo o recinto está ocupado por construcións, multiplicándose o valor patrimonial do castro.
Os obxectos atopados son de gran interese e consisten basicamente en restos de cerámica castrexa, moita dela decorada, típica das fases avanzadas da idade do ferro; restos de obxectos de ferro como a folla dun coitelo e o fragmento dunha fouce, o que referenda a vocación agrícola que tiñan os habitantes deste xacemento. Non se debe esquecer que unha das peculiaridades do castro reside no seu emprazamento atípico, sendo un dos poucos castros nunha chaira de Galicia.
Posta en valor
Segundo os resultados obtidos, o xacemento amosa unhas condicións exemplares para a súa posta en valor como elemento visitable, xa que se atopa situado practicamente no casco urbano de Vimianzo, á beira da estrada comarcal Coruña - Fisterra, por onde pasa un fluxo constante de visitantes e moi próximo aos centros escolares da vila. Con todo, a Consellería non se comprometeu a subvencionar novas catas e o castro quedará de novo sepultado ata que chegue unha nova partida.Novas relacionadas
- Piden a catalogación do Castro de Barreiras como Ben de Interese Cultural.
- A Fagía de Carnés é declarada Festa de Interese Turístico Nacional.
- O PP vimiancés congratúlase pola posta en valor do Castro de Ogás.
- 15-10-10: O Castro de Barreiras: o expediente X da arqueoloxía galega.
- 07-07-10: Patrimonio limpa de novo o Castro de Barreiras pero non propón novas ideas.
- 26-10-09: A Xunta recupera por fin o Castro de Barreiras.
- 15-08-08: A voltas coas beirarrúas do Castro de Ogás.
- 22-02-08: Continúan os problemas co castro de Ogás.
Máis novas arquoelóxicas
- Unha expedición arqueolóxica estudia os petroglifos da Campaíña, Fieiteira e Regadiña.
- A boina de Dombate xa ten a primeira pedra.
- O Concello de Vimianzo negocia a apertura dos Bens de Interese Cultural.
- Escarvando na lenda de San Guillerme.
- O castro tapado de Laxe.
- Un campamento viquingo na Costa?.
- 188 xacementos no Atlas arqueolóxico da comarca de Fisterra.
- Un Parque Arqueolóxico do Megalítico para toda Costa da Morte.
- A Ruta das Antas.
Que pasou na Costa, con Víctor Castiñeira
- I: Que pasou na Costa: descubrindo a nosa historia.
- II: O Megalitismo na Costa da Morte.
- III: A época castrexa (1ª parte).
- IV: A época castrexa (2ª parte).
Fonte
- Nota de prensa da Xunta de Galicia.