A portavoz do PP de Vimianzo, Carmen Borbujo, proporá na próxima reunión de hopxe luns convocada polo BNG para asinar unha "campaña limpa", que os demais grupos políticos apoien a proposta popular de paralizar a execución inmediata da sentenza que obriga ao Concello a pagar o sobre custo da Casa da Cultura. Isto mentres non se resolva a investigación penal que está levando a cabo o xulgado de Corcubión, despois do que o PP denunciase supostos delitos de fraude, prevaricación.

Cabe recordar que o Concello decidiu recorrer a sentenza que obriga á administración local a pagar máis de 800.000€ polo sobre custo das obras da Casa da Cultura, traballos executados pola empresa do irmán do alcalde. Aínda que o recurso xa se presentou e aínda non hai resolución respecto diso, o construtor solicitou a execución inmediata da sentenza, algo que lle foi concedido polo xulgado.

O PP recorda que "sempre se opuxo ao pago deste diñeiro, mentres non se coñecesen os nomes dos responsables que permitiron unha situación anormal".

Máis información

Poden ollar as crónicas das presentación en:

• www.eleccionscostadamorte.com.

Fonte

• Redacción de QPC ([email protected]).