Tal e como estaba previsto, e logo de moitas reunións, iso si, nacionalistas e socialistas asinaron un pacto para formar un goberno estable en Vimianzo. Así o aseguraron o alcalde da localidade, Manuel Antelo, e o novo primeiro teniente de alcalde, José Antonio Miñones. Antelo amosouse moi satisfeito ante o acordo e considerouno “froito da capacidade de diálogo”. O rexedor referiuse tamén ao papel da oposición, da que dixo que “queda totalmente desacreditada nas súas tentativas de desestabilizar o executivo local”. Miñones tamén dixo estar satisfeito, unha satisfacción que agarda, se traslade ao pobo vimiancés. Deste xeito, a partir de agora as áreas de Benestar Social e Deportes, Obras e Urbanismo, a Policía Local e o Grumir, estarán nas mans dos progresistas. O concelleiro de Obras e Urbanismo será Manuel Rodríguez, quen xunto con Miñones, contarán con dedicacións parciais, cobrando a mesma cantidade que na pasada lexislatura, cando os socialistas xa estaban no poder. Quen non percibirá salario será o alcalde. Antelo seguirá percibindo retribucións atadas ao seu vencellamento co Consello da CRTVG.

Novas relacionadas

• Antelo quere chamar ás empresas cunha rebaixa do 90% nos impostos.
• Vimianzo abre a súa caseta de información turística.
• Decididos todos os novos alcaldes na Costa da Morte.
• Os comicios en Vimianzo: Borrón e conta nova.

Entrevistas QPC

• Entrevista con Manuel Antelo, candidato do BNG á alcaldía de Vimianzo.
• Entrevista a José Antonio Miñones, candidato do PSOE de Vimianzo.

Fonte

• El Correo Gallego.