Sábado. 15.08.2020
El tiempo

67 establecementos de Baio únense nunha nova edición do Punto Rojo

67 establecementos de Baio únense nunha nova edición do Punto Rojo
Punto Rojo de Baio 1 Asociacion de Empresarios Comarca de Soneira de Baio

A Asociación de Empresarios Comarca de Soneira organiza unha nova edición do “Punto Rojo” que terá lugar os días 10, 11 e 12 de agosto en Baio. Citas que serven para dinamizar o comercio local, seguindo o camiño de accións tan exitosas como o ”Baio ten a pelota” ou a simbólica xornada de peche dos comercios.

Na campaña participarán un total de 67 establecementos de Baio entre os que se atopan tendas roupa e de calzado, droguerías, xoierías,… ademais de bares e restaurantes e outros establecementos do sector servizos. As tendas expoñerán na rúa miles de artigos rebaixados, os locais hostaleiros servirán tapas a 1,50€ e ademais haberá actividades para nenos, e un tren turístico para non ter que coller o coche para facer a ruta dos pinchos.

Outro dos atractivos deste evento será unha exposición de coches novos e deocasión que se ubicará na rúa Vidal Ríos e na que participarán varios concesionarios da zona.

Todo nunha fin de semana chea de premios, pois todas as compras e consumicións realizadas nestes locais poden ter premio, xa que entran no sorteo de bonos de compra por valor de 300€ para gastar nos establecementos participantes, 300€ para mercar en productos de Ramos Alídis e 300€ para consumir no supermercado Eroski.

Novas relacionadas

https://quepasanacosta.gal/a-costa-da-morte-bota-o-pecha-o-1-de-maio-a-prol-do-comercio-local/ https://quepasanacosta.gal/o-punto-rojo-tivo-premios/ https://quepasanacosta.gal/tatiana-rellan-a-proximidade-que-ofrece-a-autovia-e-unha-vantaxa-para-campanas-comerciais-como-a-do-punto-rojo/ https://quepasanacosta.gal/pelotas-e-descontos-contra-a-chuvia-e-a-autovia/

comentarios