Arrincaron os encontros literarios deste curso no IES Maximino Romero de Lema de Baio. O alumnado de 1º Bacharelato reflexionou coa autora vasca sobre sobre O home que matou a Antía Morgade, sobre o seu proceso de escritura, e sobre como comezou a súa labor como escritora. A novelista confesou que empezou a escribir por afección -por suposto sempre foi unha amante da lectura- e que acadou un espazo no que é totalmente libre a base de abandonar outras responsabilidades.

Comentou que neste libro quixo centrarse na culpa, en como afrontar a perda dun ser querido; tamén quería tratar o tema do abuso, do medo a denunciar por mor do xuízo social ao que se somete ás vítimas. Destacou que nesta novela o importante non é quen é o asasino, senón como todos os personaxes principais viven o medo a posibilidade de ser as súas próximas vítimas.

Foron varias as sorpresas que lle tiña preparado o centro á autora: Na propia entrada quedou abraiada pola composición con manequíns que representaban aos principais personaxes da novela.

Ao entrar no salón onde a esperaba a rapazada soou a Canción de vida y muerte de Iván Ferreiro, coa que se emocionou pois está entre as súas preferidas e cuxa temática se relaciona co libro.

A xornada completouse cun encontro distendido, arredor dun café membros do Club de Lectura de Adultos. Aí chegou a segunda sorpresa: un agasallo dunha gran galleta na que estaba impresa a portada do libro.