Xa está aquí a segunda edición dos Premios Fouciño de Baio, organizados pola asociación cultural Adro coa colaboración do concello de Zas e de varios establecementos da vila. A semana do audiovisual é o pistoletazo de saída para un certame que culminará o vindeiro sábado, día 8, con actividades todo o día e coa entrega de premios que virá acompañada dun concerto de música emerxente. Durante toda a semana proxectaranse distintos documentais que gardan unha certa relación coa Costa da Morte. A semana do audiovisual arranca hoxe coa proxección de Man Fred, Home sen Paz, un documental sobre o Alemán de Camelle producido por Simón Vázquez e David Formoso. A cita é as 21:30 horas na entreplanta do mítico "edificio do cine"; un edificio que albergou durante anos unha sala de cine coñecida como "Cine Pomares". Un pouco antes da proxección, o alcalde de Zas - Manuel Muíño - e demais membros da corporación, inaugurarán este novo baixo municipal. Ao remate do documental, reparatiranse pinchos gratis entre todos os asistentes. Documental sobre Angrois As proxeccións continúan mañá no mesmo sitio e á mesma hora (entreplanta do edificio Pomares ás 21:30 horas) co documental "Angrois no Esquecemento" de Susana Recouso e Emilio Carral (Lentes Diverxentes). Todas as actividades que se enmarcan dentro dos Premios Fouciño son gratuitas. A segunda edición dos Premios Fociño promete ser un éxito. Unha mostra diso, son a gran cantidade de videos e fotos promocionais de distintas persoas tanto do audiviosual galego como doutros ámbitos e que se poden ver na súa páxina de Facebook. [fbvideo link="https://www.facebook.com/premiosfoucino/videos/1793349807346984/" width="500" height="400" onlyvideo="1"]  

Novas relacionadas

• 27-06-17: Lucía Regueiro amadriña os Premios Fouciño de Baio
• 25-06-17: “Cos Premios Fouciño queremos premiar a creatividade audiovisual da veciñanza”
• 20-06-17: Unha nova falsa sobre o descubrimento dunha anticitera serve de base para unha curta dos Premios Fouciño
• 19-06-17: Atopan en Laxe unha anticitera do século II a.C.
• Volven os Premios Fouciño de Baio
• Os Premios Fouciño convertiron a Baio na capital audiovisual da Costa da Morte
• Un fouciño audiovisual para loitar contra o illamento cultural da Costa da Morte:
• Curtas, charlas e un concerto protagonizan os Premios Fouciño de Baio.
• Os Premios Fouciño, os irmáns pequenos do Carballo Interplay
• Adro crea os ‘Premios Fouciño do audiovisual’.

Fonte

• Redacción de QPC (info@quepasanacosta.com).