As ofertas e as tapas do Punto Rojo encheron Baio
13:40 13/08/18
As rúas estiveron ateigadas durante toda a fin de semana
Ruta en tren a que houbo que facer en Baio esta fin de semana para ver as ofertas e os pinchos dos 67 establecementos que se animaron a participar nas xornadas do Punto Rojo. Fermoso ambiente de festa o que conseguen os empresarios da Asociacion Comarca de Soneira nas suas accions baiesas. I é que cando consegues involucrar á toda a vila, o éxito está asegurado.
Así o ratifica a presidenta dos Empresarios, Tatiana Rellán, que á espera de confirmar as cifras de vendas co resto de compañeiros, sinala que “a asociación pode dicir o Punto Rojo é unha campña que funciona, que volveu ser un éxito como o ano pasado”.
”Creo que ademais de funcionar moi ben economicamente para os nosos comerciantes, é un bo atractivo para acostumar a xente a vir ata Baio. Nese sentido, se ben o pobo de Baio é o máis importante, porque se implica a tope e son os primeiros en saír da casa, pasear, consumir… e é moi de agradecer, esta edición tivemos xentes de outras zonas como Coruña, Arteixo, Carballo… e creo que é algo que fala en pro da existencia da Autovía, que de non ser por ela seguro que toda esa xente non se achegaba ata aquÍ”, explica.
Ofertas no Punto Rojo en Baio
Con lemas como “Se a Baio ves mercar, un máster en Economía terás” os establecimentos sacaron as súas grandísimas ofertas á rúa, e a xente xa estaba preparada o venres para saír á buscar a mellor compra. Os bares arrincaron coas súas tapas (a 1,50€, moita calidade e cantidade) sobre todo na noite do venres, xa con moita xente de fóra polas rúas.
O sábado foi un día completiito, con moitísima xente ao mediodía, pero a calor fixo que houbese un parón ata as 19:00h. As xentes tomaron un respiro nas praias da contorna (nomeadamente Laxe, a praia de referencia para moitos baieses), e volveron a Baio, para facer as compras (os establecimentos non pecharon ata as 22:00) e disfrutar dos bares que serviron tapas e tapas ata a media noite.
O domingo pola mañá estivo moi cheo, e a chuvia entre as 14:00h e as 17:00h permitiu que a xente fose comer. E cando parou de chover a xente estaba esperando a que escampase para encher de novo as rúas baiesas.
Tapas do Muíño no Punto Rojo de Baio
Houbo actividades para todo o mundo, pois os inchables estiveron cheos toda a fin de semana. Non faltou a música, co concerto sabatino de Dani Royo e Alejandro Rey e a sesión vermú dominical en acústica de Dani Royo no Trébol.
