Mércores. 19.06.2019
El tiempo

Baio terá unha nova praza no casco urbano

Plano da ubicación da nova praza de Baio
Plano da ubicación da nova praza de Baio
Baio terá unha nova praza no casco urbano

En apenas 15 minutos, o pleno do Concello de Zas aprobaba, cos votos a favor do grupo de goberno (BNG) e a abstención do PP, o proxecto que permitirá iniciar a construción dunha nova praza no casco urbano de Baio. A praza situarase na zona do paseo fluvial da vila, e ocupará mías de 5.000 m2, contando ademais cunha zona de aparcamentos e unha vía que comunique as rúas Herbais da Ponte e Bispo Romero de Lema.

“É un proxecto complexo polo que chegar ata aquí foi un proceso moi longo e con moitas vicisitudes” recoñeceu o Alcalde de Zas, Manuel Muíño, pois leva en marcha dende 2007. Se para o grupo de goberno é un día importantísimo para Zas pola dimensión da obra, para o voceiro do PP, David Gómez, vén sendo produto dos “caprichos electorais” do rexedor.

O PP lembra que o proxecto ten informes xurídicos negativos e censura que o rexedor se apoie en informes externos para sacalo adiante.

Os populares, que se abstiveron na votación, recoñecen a necesidade da actuación por tratarse “dunha demanda histórica dos veciños”, pero inciden en que debe levar a cabo coa seguridade xurídica necesaria para non que non xere problemas legais ao municipio.

Comentarios