Mércores. 28.10.2020
El tiempo

"A Brandomil Romana", unha exposición sobre o Patrimonio Cultural de Brandomil

As Torres do Allo acolle esta mostra, que se inaugurará o 31 de xullo ás 16:00 horas.
As Torres do Allo acolle esta mostra, que se inaugurará o 31 de xullo ás 16:00 horas.
"A Brandomil Romana", unha exposición sobre o Patrimonio Cultural de Brandomil

Continúan as actividades culturais no pazo máis antigo de Galicia, nesta ocasión as Torres do Allo presenta unha exposición centrada no pasado romano de Brandomil. Un pasado que segue soterrado e que só, ás veces, emerxe coas escavacións arqueolóxicas e coas investigacións.
Dende ben antigo ese pasado romano foi obxecto de estudo. As primeiras investigacións datan do século XVIII, e continuaron no tempo ata os traballos máis recentes a cargo de Fermín Pérez, Juan Naveiro, María Loira ou Lino Gorgoso.
A exposición está formada por sete paneis explicativos e complétase coa proxección do documental "Brandomil, vila romana a carón do Xallas" da Fundación Brandomil.
A Concellaría de Cultura do Concello de Zas, en colaboración coa Deputación da Coruña e contando coa participación da Fundación Brandomil, organiza esta exposición titulada "A Brandomil Romana". A inauguración correrá a cargo do Alcalde de Zas, Manuel Muíño, o vindeiro 31 de xullo ás 16:00. A exposición poderá visitarse todos os días ata o 15 de setembro, no seguinte horario: de luns a venres de 11:00 a 20:00, de sábado a domingo de 11:00 a 21:00. A entrada é libre e de balde, mais é obrigatorio o uso de máscara.

comentarios