Arrincou esta semana Club de Ciencias do IES Maximino Romero de Lema de Baio con dúas charlas divulgativas que resultaron de gran interese para o alumnado.

O alumnado de 2º de Bacharelato tivo a oportunidade de escoitar a Javier Martín coa ponencia Caendo no buraco negro que tiña como obxectivo dar a coñecer a física de partículas e os buracos negros. Relatou a importancia de atopar os ladrillos universais do Universo, lembrando as achegas á Ciencia desde Empédocles, Demócrito, Dalton, sen esquecer a Mendeleiev (a súa lei periódica e visión do futuro predicindo a existencia de elementos posteriormente descubertos).

O alumnado puido meterse dentro dunha das partículas que forman o átomo empezando polo protón ata chegar aos quarks, bosóns.... Martín falou tamén de como do LHC se poden obter as pezas fundamentais coas que se constrúen os átomos. E rematou reflexionando sobre buracos negros.

Pola súa banda, o físico investigador tamén do IGFAE e recoñecido poeta lusófono, Alexandre Brea achegou ao alumnado de 1º de Bacharelato a oportunidade de descubrir que é iso da Física de partículas, como busca dar respostas a cuestións coma a do nacemento do Universo, a da materia que compón as estrelas e os planetas ou que sabemos da materia e da antimateria, por poñer algúns exemplos. Ademais o físico compartiu con nós á súa experiencia no CERN: que era, as liñas de traballo...