O concello de Zas fomenta a través deste concurso o uso do galego nas redes e a conservación das tradicións O concello de Zas manten aberto ata o vindeiro 16 de decembro o prazo para participar na segunda edición do concurso de PanxoliñaZas 2.0. Neste concurso, organizado polo Servizo de Normalización Lingüística do concello, ten como obxectivo promover o uso do galego nas redes sociais e manter as tradicións do nadal e nel poderán participar todos os veciños e veciñas que así o desexen. Para participar deberán gravar un video – tanto de forma individual como en grupo – cantando en galego un canto típico do Nadal (panxoliña, villancico, cantos de Aninovo ou de Reis). Os participantes deberán enviar o seu video ao enderezo electrónico [email protected] cos datos do ou dos participantes (nome, apelidos, DNI, enderezo e teléfono de contacto) co asunto “Concurso de panxoliñas”. Tamén se poden entregar os traballos no Servizo de Normalización Lingüística do concello nun lapis de memoria ou envíalo a través da plataforma WeTransfer antes do 16 de decembro. Premios Os traballos publicaranse na páxina de Facebook municipal entre o 16 e o 26 de decembro e serán premiados o video máis popular, o que teña mellor presentación e posta en escea, o que conte con máis fidelidade á tradición infantil e o mellor video infantil. Cada un dos premiados recibirán un diploma e un vale de 100€ para gastar nos comercios do municipio. O xurado estará formado por cinco persoas designadas pola Alcaldía e o seu fallo coñecerase antes do día 6 de xaneiro. Este concurso súmase as accións que se organizan dende a Concellería de Cultura do Concello de Zas co fin de promover o uso da lingua galega. Novas relacionadas

• O PanxoliñaZas volve con premios para os mellores vídeos
• As Torres do Allo acollen unha exposición de pezas de Olería de Buño
• Setembro 2016: 400 persoas disfrutaron das visitas teatralizadas das Torres do Allo
• A Carballeira de Zas bate marcas
• A semana cultural preludia a festa da Carballeira de Zas
• Zas preparara un concurso de panxoliñas 2.0

Fonte

• Redacción QPC ([email protected])
• Concello de Zas