Jorge Mira acompañou ao equipo de "Cuarto Milenio" durante a sua gravación en Vilaestévez O lugar de Vilaestévez, na parroquia zasense de Gándara, foi o protagonista dunha das reportaxes emitidas o pasado domingo no programa "Cuarto Milenio" que dirixe Iker Jiménez. O equipo do programa desprazouse ata aquí debido ás tormentas que tiveron lugar durante o pasado inverno e que, ao parecer, mataron varias vacas e incluso tiraron un cruceiro en Meanos. O equipo de "Cuarto Milenio" recolliu o testimonio de varios veciños e veciñas sobre unha "bola de lume de cor vermella" que provocou grandes desperfectos en Vilaestévez o pasado 27 de febreiro. O feito que non sexa a primeira vez que se rexistren este tipo de acontecementos na zona espertou o interese do programa presentado por Iker Jiménez. Jorge Mira, catedrático de Electromagnetismo da Universidade de Santiago e natural de Baio, acompañou ao equipo de gravación e explicou que se trataba dun fenómeno natural coñecido como "raio bola". Mira recalcou que ésta é unha zona exposta ás tormentas debido, en gran parte, ao Pico de Meda xa que fai de tapón e cambia o sistema de correntes o cal fai que sexa máis probable a caída dos raios. Novas relacionadas

• As dúbidas sobre a titularidade do cruceiro de Meanos impiden as actuacións

Fonte

• Redacción QPC (info@quepasanacosta.com)
• Cuarto Milenio