Lucía Regueiro estará en Baio o vindeiro 8 de xullo Pouco a pouco imos debullando o certame dos Premios Fouciño que hai preparado para o vindeiro 8 de xullo en Baio. A organización, que recae sobre a asociación cultural Adro, vén de desvelar que a actriz e presentadora Lucía Regueiro Taboada será a madriña da II edición dos Premios Fouciño. O día 8, Lucía Regueiro participará en varias das actividades que se enmarcan dentro do festival dos Premios Fouciño. Un dos momentos principais será a entrega de premios que terá lugar ao redor das 23 horas na praza do parque infantil da vila para, xunto cun festival de música, poñerlle o broche final á segunda edición deste certame do audiovisual. Lucía Regueiro é unha cara máis que coñecida no panorama audiovisual galego por moitos dos seus traballos. Destaca o seu papel en series como Serramoura ou Libro de Familia da TVG e tamén se lle recoñoce por copresentar con Xosé Ramón Gayoso o programa Luar durante varias tempadas. Naceu na Coruña no ano 1982 e debutou en “Mareas Vivas” sendo adolescente. Despois de estudar xornalismo participou en varias seires tanto do panorama galego como nacional. Recibiu premios como o da Mellor Actriz Xuvenil no IV certame de teatro “Candilejas Don Bosco” de A Coruña.

Novas relacionadas

• 25-06-17: “Cos Premios Fouciño queremos premiar a creatividade audiovisual da veciñanza”
• 20-06-17: Unha nova falsa sobre o descubrimento dunha anticitera serve de base para unha curta dos Premios Fouciño
• 19-06-17: Atopan en Laxe unha anticitera do século II a.C.
• Volven os Premios Fouciño de Baio
• Os Premios Fouciño convertiron a Baio na capital audiovisual da Costa da Morte
• Un fouciño audiovisual para loitar contra o illamento cultural da Costa da Morte:
• Curtas, charlas e un concerto protagonizan os Premios Fouciño de Baio.
• Os Premios Fouciño, os irmáns pequenos do Carballo Interplay
• Adro crea os ‘Premios Fouciño do audiovisual’.

Fonte

• Redacción de QPC ([email protected]).