Venres. 29.03.2024
El tiempo

A nova praza de Baio xa é oficiamente Praza Jorge Mira Pérez

praza-jorge-mira-perez-baio2
A nova praza de Baio xa é oficiamente Praza Jorge Mira Pérez

“Serei baiés toda a miña vida. A moita honra e sempre coa bandeira.” Así foron as palabras coas que Jorge Mira Pérez rematou o discurso que pronunciou esta pasada mañá de sábado 18 de xuño na nova praza de Baio con motivo do acto de descubrimento da praca que lle dá nome ao lugar e que a partir de agora pasa a chamarse “Praza Jorge Mira Pérez”.

Primeiro aprobabase por unanimidade no pleno extraordinario celebrado as 12:00h, despois de telo previsto xa dende quen xaneiro se estreaba o novo espazo. Faltaba o nome, e resulta que a persoa indicada para poñerlle nome "esta viva", sinalou Lolo Muíño, lembrando que é pouco habitual que se lle adiquen prazas ou rúas a persoas vivas.

Unha vez rematado o trámite oficial, a Corporación Municipal e o propio Jorge Mira Pérez desprazáronse ata nova praza situada no centro de Baio. Tras un breve vídeo no que se visionou a transformación da zona nos últimos anos, chegaron os discursos, nos que non faltaron os halagos ao currículo e compromiso do ilustre baiés.

praza-jorge-mira-perez-baio

“Pensamos en Jorge por ser un veciño do noso municipio que ademáis de descatacar polos súas cualidades académicas destaca polo seu compromiso social. Presume da súa vila e do seu Concello nos múltiples actos que participa e sempre está disposto a colaborar”, sinalou Muíño durante o acto.

E logo xa foi a quenda de Jorge Mira. “Tiven moita sorte na miña vida investigadora e académica onde acadei moitos premios. Pero ningún comparable con isto. É alucinante”, sentenciou.
Durante o seu discurso, Jorge comparou a nova praza de Baio cunha ágora grega; un espazo común no que a xente se reúne e desexou que todos os veciños e veciñas a desfrutaran con saúde. Unha vez rematados os discursos procediuse ao descubrimento da praca que lle dá nome á praza acompañado dun caloroso aplauso de todos e todas os/as asistentes. Foron máis de 100 persoas, entre veciños, amigos... os que non quixeron perder o momento.
 

Comentarios