Os alumnos de Baio representaron cinco obras de Labarta Pose Ainda co bo sabor de boca que deixou a I Mostra de Teatro Afeccionado o auditorio do centro sociocultural de Baio encheuse onte de novo de arte escénico da man dos nenos e nenas do CEIP Labarta Pose. O seu motivo era rendirlle unha homenaxe ao escritor da vila que lle dá nome ao centro de ensino polo que representaron algunhas das súas obras. "Non hai mellor vida que a do labrego"; "A lingua pequena"; "Pobre gaiteiro de Baio"; "O tío Sanfona" e "Que me enterren aló, lonxe!" foron os traballos representados polos alumnos. Unha vez que os rapaces remataron as súas interpretacións tivo lugar a entrega de premios do VIII concurso de Marcapáxinas organizado polas bibliotecas públicas de Zas. O acto contou coa presenza do alcalde, Manuel Muíño. O alcalde de Zas, Manuel Muíño, fixo a entrega dos premios do concurso de marcapáxinas organizado polas Bibliotecas Municipais Aldara Trillo Canto - do CEIP Labarta Pose de Baio - e Lucía Suárez González - do CPI de Zas - foron as gañadoras da categoría A (ata 5 anos). Dentro da categoría B ( que incluía dende 1º ata 5º de Primaria) as gañadoras foron Claudia Lema Rial, do colexio de Baio, e Lorena Martínez Calo do de Zas. E na categoría C, dende 6º de Primaria ata 4º da ESO) o premio foi para Leticia García Fernández do CEIP Labarta Pose e Paula Suárez Santos, de Zas. O premio consistiu nun lote de libros. O concurso de marcapáxinas é unha das actividades que se enmarcan dentro do amplo programa cultural organizado pola concellería de Cultura de Zas para o mes de maio e que se centrou en ofrecer diferentes actividades musicais, de contacontos, entre otras, centrándose na obra de Manuel María - o autor homenaxeado no día das Letras Galegas - e dirixidas principalmente aos centros educativos do municipio. Novas relacionadas

• Zas consolida a Mostra de Teatro Afeccionado dentro da súa axenda cultural
• Zas prepárase para vivir un mes de maio con moita letra
• Zas cítase co teatro afeccionado
• A Mostra de Teatro Afeccionado de Zas escollerá 5 dunha vintena de propostas
• O concello de Zas organiza a I Mostra de Teatro Afeccionado

Fonte

• Redacción QPC (info@quepasanacosta.com)
• Concello de Zas